PILIPI 2:14 - Alkitab Singog In Mongondow Masa In Tanaa

¹⁴ Aidaibí in oaidan tatua takin pia in gina bo dika mosirogian andeka mobobayowan.

PILIPI 2:14 Referans Kwoze

PETRUS 1 4:9

Bo moiko in musti motaau mosipasiaran kon baḷoi takin diá mogamui.

KORINTUS 1 10:10

Kita in dikabí umuran mokarana; ná inta inaidan in tongonumai intau kon sigad monimu koḻipod, sahingga in iḻimod in Malaekat inta Momomatoi.

PILIPI 2:3

Dika motayak kon kauntungan tontaní andeka dumodia kon intau. Táe pokopoompábí kon dodia bo anggapdon kon intau ibaneabí in mopia-pia nongkon inaton.

YAKOBUS 5:9

Donaai umuran mongunsingog bo mosipotaḷáan, sinbá moiko in diá hukumon i Allah. Torop! Hakim in nodiugdon, nobasadiadon mamangoi.

SURAT I PAULUS KON JAMAAT RUM 12:18

Moiko musti moramuji mobiag mopopiaan takin bayongan in intau.

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

YAKOBUS 1:20

Sin intau inta tumorú, diá mokopogaid kon inta mopia, inta mokosanang kon gina i Allah.

GALATIA 5:26

Bo donaaibí in kita kumaḷakuang, mosi posakian kon gina, bo mosi intoian.

GALATIA 5:15

Táe aka moiko bo moibog mosi kamburungan ande mosi ḻimodan, yo kopopia sin dikabo moiko in tumpaḷa moyoyang.

YAKOBUS 3:14

Táe aka moiko in mointoi bo tongá morai kon kopontingan tontaní, donaaibí pongaḷakuang monimu in kabijaksanaan tatua, sin dodia monimu natua in mopoyotuuybí in habar inta nobanar nongkon i Allah.

SURAT I PAULUS KON JAMAAT RUM 14:1

Intau inta diá moyakin kon onu inta pinirisayanea in mustibí tarimaanmu kon sigad in intau mita inta mopirisaya. Dikabí mobobayowannea soaḷ pendiriannea tatua.

MAZMUR 106:25

Mosia in nonggomong-gomot kon bonu in ḷoḷaigan monia bo doí mokidongog kon singog i Tuhan.

YUDAS 1:16

Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.

PETRUS 1 3:11

Sia musti mokopoyayú kon inta moraat bo mogaid kon inta mopia; sia in musti totu-totuu moramuji sinbá mokouḻí kon dodamean.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

SURAT I PAULUS KON JAMAAT RUM 16:17

Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

OUMAN IN RASUL MITA 15:2

Dá totok in binayowan i Paulus bo i Barnabas in guman in intau mita tatua. Pangabisannea sinantúdon sinbá ki Paulus bo ki Petrus takin tongonumai in intau nongkon Antiokhia mayá in Yerusalem mopoyosingog in soaḷ tatua takin rasul bo itoi mita kon tua.

OUMAN IN RASUL MITA 6:1

Koonggot-koonggot dumodudui i Yesus kobayong-kobayong domandon. Kon wakutu intua intau mita in Yahudi inta nomaké in bahasa Yunani, mulaidon moyaat in gina kon intau mita in Yahudi taakan. Mosia in nosingog nanaa, “Intau nami inta dongkadon boba-bobay in diá kon dodai in onda in kosilaian in tonsilai monia inta silaionmai pomuḷoi in singgai.”

TESALONIKA 1 5:13

Umuranbí horomat bo kotabi in mosia tua, sin oaidan inta inaidan monia tatua in deemanbí tongá ibo-ibog. Kobiagbí motompia bo umuran mototabian in moiko.

PINOGIAPAN 14:27

“Umaai in toonu in intau mita moraat tatua mongunsingog kon i-Nakó? Bayongan inta inamui monia tua dinongog-Kudon.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

OUMAN IN RASUL MITA 15:39

Dá taya dua noginggabatanmai in singog, sahingga noyotangadon taya dua tua: Ki Yohanes inta dinonoi ki Markus tantúbí dinia i Barnabas sinumakoi kon uangga bo minayá in Siprus.

OUMAN IN RASUL MITA 15:7

Totok in noonggot in pinoyosingogan monia kon soaḷ tatua. Dá sinimindogdon in ki Petrus bo nosingog, “Utatku mita! Kinotaauan bidon monimu kon akuoi naa in piniḻíbí i Allah kon sigad monimu sin mopoyaput in Habar Mopia kon bayongan intau inta deeman Yahudi, sinbá mosia in mokidongog bo mopirisaya kon i Yesus.

MARKUS 14:5

Ḷana tatua in motaaubí potaḷui moiḻiu kon toḷu nogatut doit saḷaka, bo doit tatua in motaau ogoi kon intau nobogá!” Dá sinorúan monia in bobay tatua.

MATIUS 20:11

Naonda in mosia notarima kon tua, mosia nosingo-singogan kon i togi gobá

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.

MARKUS 9:14

Naonda in ki Yesus, ki Petrus, ki Yakobus, bo ki Yohanes minayá noyodondon bui takin murí-Nea mita ibanea, inontong monia nobarongdon totok in intau kon tua. Bo tongonumai doman in mototundú kon agama mobobayowanmai in murí mita i Yesus kon tua.

LUKAS 5:30

Tongonumai degá intau in Parisi bo mototundú mita kon agama noyaat in gina in nokoontongmai kon natua, dá mosia in noḻibó kon murí-Nea mita, “Nongonu in moiko sin nongaanbí noyotakin in mononagi kon pajak bo intau mita inta diá mopia?”