PILIPI 1:23 - Alkitab Singog In Mongondow Masa In Tanaa

²³ Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

PILIPI 1:23 Referans Kwoze

KORINTUS 2 5:8

manangka intua kami in umuran mosabar. Bo moibo-ibogdon monaḷámai kon awak ilo-ilow naa, sinbá mogutundon moyotakin i Tuhan.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”

OUMAN IN RASUL MITA 7:59

Koyogot monia anduron batu, ki Stepanus in nosambayang nanaa, “Tuhan Yesus, tarimadon in rohoku!”

LUKAS 23:43

Dá kai Yesus doman, “Popirisayadon! Singgaipa doman in tanaa iko in moyotakin-Kudon kon Pirdaus.”

TIMOTIUS 2 4:6

Aka soaḷ akuoi, yo naadon i wakutu matoi saḷaku kuruban kon i Allah. Diádon moonggot monaḷámaidon kon dunia naa in akuoi.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

MAZMUR 49:15

Naonda bo domba, mosia in sinantúbí kon matoi; popatoi in mobaḻí gombala monia. Doḷo-doḷom mosia sinaḷowdon in intau mojujur; awak monia in ḷagidon mobongkog kon dunia in intau minatoi, noyayú kon pogogutunan inta mopia totok.

TESALONIKA 1 4:17

Mopaḷut mako kon tua kita inta nobiagpa naa, bingkatondon moyotakin monia mamonik in ḷangit moyodungkuḷ i Tuhan. Bain kon tuata bo mogutundon in kita takin i Tuhan.

YOHANES 14:3

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.

LUKAS 12:50

Oyúonpa in roriga moḷoben in musti kobayáan-Ku. Moajarbí totok in gina-Ku aka tua komintan bo diápa kobayáan-Ku.

TESALONIKA 1 2:13

Oyúon in totok mokopia-pia kon gina nami, sahingga in kami tantú mosukur kon i Allah. Tuata wakutu in kami nopoyaput in Habar Mopia nongkon i Allah kon i monimu. Habar Mopia tatua in diábí tongá inanggap monimu habar nongkon intau, táe totu-totuubí Habar Mopia nongkon i Allah. Sin Roho-Neabí in pinopopaké-Nea kon inimu nogaid kon tua mita, intau inta mopirisaya kon i Yesus.

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

LUKAS 8:38

Intau inta ain sinaḷaan in dimukud mita moraat tatua nopoigum kon i Yesus sinbá ogoi in sia tumakin kon i Yesus. Táe pinotabá i Yesus in sia takin koyow nanaa,

TESALONIKA 1 2:1

Utatku mita! Kinotaauan bidon monimu tontaní kon oyúonbí in mangaḻe kinoangoian nami kon sigad monimu.

KORINTUS 2 6:12

Diábí in kami mobuni kon gina kon i monimu, táe tongá bidon moiko in diá totu-totuu motarima kon i nami.

SAMUEL 2 24:14

Ki Daud in notubag, “Adodoia kaasí ah! Moboditodon in akuoi! Táe dika in akuoi hukumon in intau, dá mopia-piabí kon kita in hukumon i Tuhan, sin moḷoben in tabi-Nea.”

PILIPI 1:24

táe, popisí in kopontingan monimu, dá mopiabí doman aka kon duniapa naa in akuoi.