PILIPI 1:12 - Alkitab Singog In Mongondow Masa In Tanaa

¹² Ibogonku in kotaauandon monimu komintan, kon soaḷ mita inta ain nobaḻí kon inakó tuabí in nokopopisí dá nobayongdon in nokidongog bo nopirisaya kon Habar Mopia tatua.

PILIPI 1:12 Referans Kwoze

TIMOTIUS 2 2:9

Bo lantaranbí nopotaau in Habar Mopia tanaa dá akuoi in nokouḻí kon roriga, nodapot in sinokig naonda bo intau moraat, táe pirman i Allah in diábí motaau tokigon monia ná akuoi.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

OUMAN IN RASUL MITA 8:4

Intau mita mopirisaya inta ain nongoirangkap tatua, nopotaa-taau doman mako in Habar Mopia kon ondakabí in kobayáan monia.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

ESTER 9:1

Imbuitnea noiyaputdon in singgai impuḷú botoḷúnea buḷan in Adar, singgai inta ain sinantú kon popoaidan in parenta i datu kon intau mita in Yahudi. Singgai tatua in inoḷa-oḷatdon mako in musung mita in bangusa Yahudi sin mongawasa kon bangusa tatua. Táe noniata magí yo intaubí in Yahudi in nonaḷow kon i monia.

IḶUAIAN 18:11

Naa in kinotaauankudon kon ki Tuhanbí in mokawa-kawasa nongkon bayongan ilah, sin tua komintan inaidan-Nea kon dodai intau in Mesir dinumodiadon totok kon intau mita Israel.”

LUKAS 21:13

Tua in kasampatan monimu mopoyaput in Habar Mopia inta nongkon i Allah.

PILIPI 1:5

Akuoi in mopoyaput in sukur kon i Allah sin nongkon pinomangkoianmai nodapot in kon tanaa mako, moiko in umuran nobantung kon inakó nopotaa-taau mako in Habar Mopia inta nongkon i Allah.

PILIPI 1:7

Totuubí kon diábí moitaḷá in raianku tanaa kon i monimu, sin moiko umuran kon gina-ginaku mako, popisí in moiko ain nokouḻí domandon kon totabi bo barakat i Allah inta inogoi kon inakó; kon tungkuḷ in akuoi kon bonupa in ponjara tanaa mako ande kon tungkuḷ in kon ḷuaidon mobela kon kinobobanar in Habar Mopia tatua.

PILIPI 2:22

Sin inontong bidon monimu tontaní kon ki Timotius tua in nokobaragunabí kon inakó. Sia in totu-totuudon nogaid takinku nopotaau magí-mako in Habar Mopia inta nongkon i Allah. Kaminda naa in nádon onda guyanga bo adí.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

PILIPI 4:15

Utat mita intau in Pilipi! Kinotaauan bidon monimu totok kon wakutu in akuoi nonaḷámai kon Makedonia koḻipod, wakutu in akuoi bagu momangkoi nopoyaput in Habar Mopia, yo tongábí moiko in jamaat inta notuḷung kon inakó; moikodon nion inta nokorasa domandon kon inta mopia bo inta diá mopia wakutu in noyotakinku.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.