PILEMON 1:20 - Alkitab Singog In Mongondow Masa In Tanaa

²⁰ Manangka intua, podoyon kon tangoi i Tuhan tuḷungaipa in akuoi, posanangpa in ginaku saḷaku Utat inta tumpaḷa notobatú i Kristus.

PILEMON 1:20 Referans Kwoze

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.

PILEMON 1:7

Uḻe Pilemon utatku, tabimu kon bayongan in umat i Allah, nokosanangdon totok kon ginaku bo nokodugang domandon kon ropot in pirisayaku! Bayongan in gina in umat i Allah in pinosanangmudon.

PILEMON 1:12

Bo tanaa intau inta kino-tabiku tua in pinotabákudon bui mamangoi kon inimu.

YOHANES 1 3:17

Aka moiko inta nobiagdon nooyúon bo nokoontong kon utat inta nobiag nobogá, táe doí motuḷung kon i utatnea tatua, dá naondabí in sia motaau moguman, ‘Akuoi in motabi kon i Allah?’

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.

PILIPI 4:1

Tuamai, Utatku mita inta kinotabiku, kobiagbí in moiko takin totu-totuu mopirisaya kon i Tuhan. Totok in akuoi mokotanob kon i monimu! Moiko nion inta totok mokoḷunganga kon ginaku.

PILIPI 1:8

Kinotaauanbí i Allah kon nongkon i Kristusbí tontaní in tanob bo tabiku kon i monimu.

KORINTUS 2 7:13

Tuabí manangka in noonow in gina nami. Koḻikud in moonow, nodugang doman totok ḷunganga in gina nami sin nokoontong kon ḷunganga in gina inta kinorasaan doman i Titus; nopia in ginanea lantaran moiko.

KORINTUS 2 2:2

Sin aka popoajarku in gina monimu, yo ki inepabí in motaau moposanang kon ginaku, koḻikudbí intau mita inta ain pinopoajarku tua?

KORINTUS 1 16:18

Mosia tua in noposanangdon in ginaku, bo noposanang doman in gina monimu. Intau mita natua in musti hargaan.