PETRUS 2 3:5 - Alkitab Singog In Mongondow Masa In Tanaa

⁵ Tuodonbí monia diá pirisayaan, kon dunia naa in pinomia i Allah takin singog-Nea. Butá naa pinomia-Nea nongkon tubig doman, bo takin tubig;

PETRUS 2 3:5 Referans Kwoze

IBRANI 11:3

Lantaranbí oyúon in pirisaya, dá kinotaauandon naton kon dunia naa in binaḻíbí i Allah takin singog-Nea. Dá onu inta koontongan naton tua, in nobaḻíbí nongkon onu inta diá koontongan tua.

KINOBAḺIAN 1:9

Noiduduimai kon tua ki Allah noguman, “Koibog-Ku in bayongan tubig inta kon ḻimonag in ḷangit moiḻig kon tampat tobatú, sinbá butá in koontongandon.” Dá nobaḻí domandon intua.

MAZMUR 24:2

Sia in nogukat kon dodoyonannea kon tudu in dagat, bo noposindog intua kon tudu in tubig inta noḻinow.

KINOBAḺIAN 1:6

Onda intua ki Allah in noguman, “Kobaḻídon tobatú botok kon sigad in tubig sinbá mosilai doyowa in tubig bo oyúon in moidimpot kon tampat inta noitontaní tua.” Bo soaḷ tatua nobaḻí domandon. Natuata in pinomomaḻí i Allah kon botok inta nopoyotondí in tubig inta kon ḻimonag in botok tatua nongkon tubig inta kon ḻimoniknea.

MAZMUR 136:6

Inukat-Nea in butá kon tudu in tubig; tabi-Nea in umuran mononoi.

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

KOLOSE 1:17

Kon wakutu in bayongan yagi-yagi diápa, ki Kristus koyongan bidon oyúon. Bo bayongan tua in oyúon lantaran Sia, tuamai, tua komintan ain notobatú-Nea.

AMSAL 17:16

Diá baraguna in intau bodok mokopodait kon doit motayak kon hikmat, sin sia in diábí koraian inta mosehat.