PETRUS 2 2:12 - Alkitab Singog In Mongondow Masa In Tanaa

¹² Táe aid in intau mita tatua in moiḻiudon totok! Mosia tua in naonda bo mahaḷuk inta pinononggadí sin domokon bo ḻimodon. Mosia tua in diábí morai, tongábí mogaid podudui in onu inta kinoibog monia aidan, sahingga in onu inta diá kinomangaḻean monia totokdon in singkuḻeon monia. Dá oaid bidon monia tontaní in mokobodito kon i monia tua naonda bo mahaḷuk mita inta mongoromú.

PETRUS 2 2:12 Referans Kwoze

YUDAS 1:10

Táe mosia in kopia nopoyaput in tosingogon mita pohojat kon bayongan inta diá kinomangaḻean monia. Mosia tua in nádon onda bo mahaḷuk inta diá koraian, inta nonotaau kon soaḷ mita tongá podudui in porasaan monia. Bo soaḷbí mita tatua inta mokopopisí kon koyoyangan monia.

YEREMIA 12:3

Táe Iko, o Tuhan, nonotaau kon inakó. Iko in nokoontong kon onu in inaidanku, bo kinotaauan-Mu naonda in porasaan in ginaku kon ini-Mu. Diadon in intau mita moraat tatua ḷumuai, diádon in mosia naonda bo domba mayá in pororataan. Ḷukadai in mosia modapot in porataan kon i monia.

PETRUS 2 2:19

Mosia tua in mopodandi in kasaḷamatan kon intau ibanea, bokaka mosia tontaní ain nobaḻí ki ata in oaid mita inta diá mopia inta mokogoguyaat kon intau. Sin aka tobatú intau bo sinaḷowdon in tobatú kawasa dá sia in mobaḻí bidon ata in kawasa inta nokotaḷow kon inia tua.

GALATIA 6:8

Aka ki ine in nomuḷa pinodoyon kon tabiat in intau, yo kopatoian in mouḻínea. Táe aka sia bo nomuḷa pinodoyon kon koibog in Roho i Allah, yo kobiagan mononoi in mouḻínea nongkon Roho i Allah.

MAZMUR 92:6

Totuu moḷoben in bayongan inta inaidan-Mu, o Tuhan, totuu moako in raian-Mu mita!

YEREMIA 10:21

Akuoi in notubag, “Bodok in itoi mita naton tatua. Mosia in diábí nopoigum in topotundú kon i Tuhan, tuamai in diá in mosia nokodapot kon onu in kinoibog monia, bo kita in noiraritdon magí-mako.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

PETRUS 2 1:4

Natua in aid i Allah mobogoi kon i naton in barakat-Nea inta moḷoben bo baraguna totok inta ain pinodandi-Nea. Sinbá aka barakat tatua oyúondon kon i monimu, yo moiko in diádon kawasaan in ibog mita moraat inta mokogoguyaat kon dunia naa, bo moiko in moitakin motarima kon sipat i Allah.

YOHANES 8:21

Ki Yesus in bui noguman kon i monia, “Akuoi in mayá, bo moiko i motayakbí kon i-Nakó, táe moiko in matoibí kon bonu in dosamu. ‘Tampat inta bayáan-Ku, diábí kodapotan monimu.’ ”

YEHEZKIEL 21:31

Popotugat-Kubí kon i monimu in torú-Ku inta modoko-dokot. Bo moiko in ogoi-Kubí kon intau mita inta moḻingá inta nobiasadon moḻimod.

YEREMIA 5:4

Akuoi in norai, “Ah, mosia in tongábí rayat biasa inta diá nonotaau in onu bo onu. Mosia in nogaid kon inta bodok, popisí in diá nonotaau mongo onu in kinoibog bo inta sinuntut i Tuhan Allah kon i monia.

MAZMUR 94:8

Ei bangusaku, dikabí námai tua in kobobodok, balajar paké in akaḷmu!

MAZMUR 49:10

sinbá moisimparut in sia kon popatoi bo mobiag modapot in mononoi.

MARKUS 7:22

monuaḻing, monguboḷ, moponapud in diá totuu, bo mogaid kon bayongan inta moraat, modunia, diá koendar, mointoi, mokaḷakuang, bo moyoyiga didikon.

KOLOSE 2:22

Bayongan atorang tatua in soaḷbí mita inta naonda in pakéon yo diádon in baragunanea. Tua in tongábí atorang bo totundú mita inta pinomia in intau.