PETRUS 1 5:7 - Alkitab Singog In Mongondow Masa In Tanaa

⁷ Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.

PETRUS 1 5:7 Referans Kwoze

MAZMUR 55:22

Tosingogonnea mita mopia in kodongogan modondouḷug, táe kon bonu in ginanea oyúon in yaat in gina. Potosingognea in moḷukó, táe monurak naonda bo tosilad inta moḷanit.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

MAZMUR 37:5

Poandoḷdon in kobiaganmu kon i Tuhan, pongamangdon kon i-Nia, Sia in motuḷungbí kon inimu.

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

LUKAS 12:22

Ki Yesus in noguman doman kon murí-Nea mita, “Tuamai Akuoi in moguman kon i monimu, ‘Dika mohawatir kon soaḷ kobobiagmu, onu in kaanon andeka onu in pakéon monimu.’

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.

MARKUS 4:38

Dodai intua ki Yesus nosiug kon dotá in tumi uangga. Sia nonguḷun kon oḷunan bo noḷoḷot. Murí-Nea mita namangoi noguḷung kon i-Nia poḷat noguman, “Pak Guru, diádon degá pandungonmai i Pak Guru, mobodito in kita!”

YOHANES 10:13

Intau inta sinoko tondanan tatua moḷaguibí, sin sia in nogaid tongábí popisí in inuboḻian. Dá diábí pandungonneamai in domba mita tatua.

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

AMSAL 16:3

Poandoḷdon kon i Tuhan in bayongan tomayámu, dá kodapotanmubí intua.

MATIUS 6:27

Oyúon degá intau kon sigad monimu inta popisí in mohawatir, dá sia in modugang kon umurnea biar tongá topiḻikmai?

MATIUS 6:28

Bo nongonu sin moiko in mohawatirbí kon onu in pakéon monimu? Ḻiḻiaika totok in bungang mita. Mosia in nobiag, bo diábí kon dodai in onda in nogaid bo diá doman kon dodai in onda in nodagum;

MATIUS 6:31

Tuamai moiko in donaaidon mohawatir bo poḷat mosingog nanaa, ‘Onu in kaanon nami’ andeka ‘onu in inumon nami’ andeka ‘onu in pakéon nami’?

LUKAS 12:26

Dá aka moiko bo diá mokosanggup in mogaid kon soaḷ inta mointok totok natua, yo nongonu sin moḻia-ḻiawbí in gina monimu kon soaḷ inta ibanea mako?