PETRUS 1 3:9 - Alkitab Singog In Mongondow Masa In Tanaa

⁹ Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.

PETRUS 1 3:9 Referans Kwoze

SURAT I PAULUS KON JAMAAT RUM 12:17

Aka intau mopoaid in moraat kon inimu yo donaaibí tuḻíanmu in moraat. Aidaibí in onu inta inanggap mopia in bayongan intau!

AMSAL 20:22

Dikabí mopotuḻí in moraat kon inta moraat; popirisayadon kon i Tuhan, Siabí in motuḷung.

SURAT I PAULUS KON JAMAAT RUM 12:14

Poigumdon kon i Allah sinbá barakatan-Nea in intau mita inta nomogutú kon inimu. Poigumaibí kon barakat nongkon i Allah, donaaibí mopogodi-godimai.

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

MATIUS 5:39

Táe Akuoi in moguman kon inimu: Donaai moiko motuḻí kon intau inta nopoaid in moraat kon inimu. Táe nanaabí in aidai, aka ki ine in monokap kon putongimu koḷanan, yo ogoi doman in putongimu koḷoigi.

AMSAL 17:13

Ki ine in mopotuḻí in moraat kon inta mopia, yo aid moraat tatua in diábí doman kopoḷuaian nongkon baḷoinea.

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

IBRANI 6:14

Nanaa in kai-Nia, “Akuoi in modandi kon barakatan-Kubí bo baḻíon-Kubí mobayong in buímu.”

LUKAS 18:18

Oyúon tobatú itoi intau Yahudi in noḻibó kon i Yesus, “Pak Guru, Inta mopia totok, onu in musti aidanku sinbá mokouḻí in akuoi kon kobiagan mononoi?”

LUKAS 10:25

Noiduduimai kon tua, oyúon mototundú kon agama namangoi bo monungkuḷ kon i Yesus. Sia in noḻibó kon i Yesus, “Pak Guru, onu degá in musti aidanku sinbá akuoi mokouḻí kon kobiagan mopia bo mononoi?”

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

SURAT I PAULUS KON JAMAAT RUM 8:30

Natuadon in pinogogoiní i Allah kon i monia inta aindon sinantú-Nea muna. Mosia inta inoiní-Nea tua, inogoi-Nea mopopiaan bui takin-Nea. Mosia inta sinarima-Nea mopopiaan bui takin i Allah, nogamá kon silai kon bonu in kobiagan i Allah tontaní.

MARKUS 10:17

Wakutu in ki Yesus nongingguput kon bobayáan bui, oyúon in intau tobatú noribatuk nopoangoi kon i-Nia. Intau tatua sinumungkud kon tayowon i Yesus bo noḻibó, “Guru inta mopia, onu in musti aidanku sinbá akuoi in motarima kon kobiagan inta mopia bo mononoi?”

KINOBAḺIAN 42:25

Ki Yusup nomarentadon sinbá karong mita inta dinia i guya-guyangnea mita tatua bonuandon in gandum, bo doit monia tua in popobonudon bui kon karong monia kon batúannea. Bo mosia in ogoian doman in kaanon mobaḻí toibaḷun monia kon daḷan. Parenta i Yusup mita tatua inaidandon monia.

SAMUEL 1 26:11

Poigumon mako ki Tuhan mongampag kon inakó in moḻimod kon datu inta ain piniḻí-Nea! Gamádon mako in pandongnea bo tampat in tubignea, bo mayádon in kita!”

AMSAL 28:10

Ki ine in modondouḷug kon intau motuḻid sinbá mogaid kon inta moraat, yo siabí tontaní in moḷabú kon poyogaḷap. Intau inta modarit in ginanea barakatanbí dá mosanang.

GALATIA 3:14

Tua komintan inaidan i Kristus Yesus sinbá barakat inta pinodandi i Allah kon i Abraham ogoi doman kon intau mita inta deeman Yahudi. Natua in pinogogaid-Nea, sahingga kita inta mopirisaya kon i Allah, motaau motarima kon Roho inta pinodandi i Allah.

IBRANI 12:17

Sinbá kotaauan monimu, naonda in ki Esau moibog mokouḻí kon barakat nongkon i amánea, sia sinolak. Sin umpakabí takin ombaḷ sia motayak kon daḷan mopoyotutui kon onu inta noitaḷá, táe diá bidon in kasampatannea.