PETRUS 1 3:18 - Alkitab Singog In Mongondow Masa In Tanaa

¹⁸ Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.

PETRUS 1 3:18 Referans Kwoze

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

PETRUS 1 4:6

Manangka intua Habar Mopia pinotaau domandon kon intau mita inta ain minatoi. Makusudnea bá mosia in adilon doman ná intau mita inta koawakpa, bo roho monia in mobiagdon podudui kon ibog i Allah.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

YOHANES 1 1:9

Táe aka akuondon naton in taḷá mita naton kon i Allah, dá aidan-Neabí in onu inta ain pinodandi-Nea bo pobayá-Nea doman onu inta moadil. Ampungan-Neabí in bayongan dosa naton poḷat daritan-Nea doman in kita nongkon bayongan in oaid inta moraat.

SURAT I PAULUS KON JAMAAT RUM 4:25

Ki Yesus tua in pinosarakandon kon intau mita sin ḻimodon sin potobut kon bayongan dosa naton. Tongá Sia in biniagdon bui i Allah sinbá kita in buidon moyodame takin i Allah.

PETRUS 1 4:1

Lantaran ki Kristus ain nokorasa kon roriga in awak naa, dá tua in musti umuran kon gina mako bá umuran moropot in pirisaya monimu. Sin ki ine inta nokorasadon kon roriga in awak, yo diá bidon in sia mogaid kon dosa.

SURAT I PAULUS KON JAMAAT RUM 8:3

Onu inta diá koaidan in hukum agama, sin kita intau ilo-ilow, yo tua ain inaidan i Allah. Ki Allah ain nonaḷow kon kawasa in dosa nongkon tabiat in intau takin aid nopotabá mangoi kon i Adí-Nea tontaní, inta namangoi ná kaadaan in intau baradosa, sin momopat kon dosa.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

GALATIA 1:4

Ki Kristus in dinumudui kon koibog i Allah, ki Amá naton, sahingga in Sia noposarakan in awak-Nea tontaní nobaḻí kuruban potobut kon taḷá mita naton, sinbá kita in posaḷamaton nongkon kaadaan masai naa inta diádon mopia naa.

KORINTUS 2 13:4

Totuubí, kon wakutu in Sia pinopopakú kon kayu pinoyotaḻempang, noḻemé in Sia, táe tanaa in biniagdon bui i Allah in Sia takin kawasa-Nea. Kami in diábí doman moropot kon bonu in kobiagan nami inta notobatúdon i Kristus, táe aka kami moyogintayowdon monimu, yo kami in mobaḻí bidon moropot moyotakin i Kristus lantaran kawasa i Allah.

SURAT I PAULUS KON JAMAAT RUM 5:2

Popisí in kita mopirisaya kon i Yesus, dá inogoian-Nea in kasampatan in kita motarima kon tabi i Allah, bo totabi tatua in mokobiag kon i naton tanaa mako. Tuamai moḷunganga totok in gina naton sin oyúon in harapan naton mokoalami kon kobiagan mopia inta inogoi i Allah!

SURAT I PAULUS KON JAMAAT RUM 1:4

Táe podudui kon i Allah yo noniata magí Sia in ki Adíbí i Allah. Tua komintan noniata kon kawasa inta totok in moḷoben inta nokobiag kon i-Nia nongkon kinopatoian-Nea.

YAKOBUS 5:6

Moiko in mohukum bo moḻimod kon intau mita inta diá kotaḷá, bo mosia in diá momaḷawang kon i monimu.

OUMAN IN RASUL MITA 3:14

Sia tua inta mokudus bo inta mobanar táe moiko in doí notarima kon i-Nia sin intaubí moḷoḻimod in kinoibog monimu buḻian saḷaku tombuinag kon i monimu.

KORINTUS 2 1:24

Akuoi in diábí momakisa kon i monimu kon soaḷ onu inta musti pirisayaan monimu, sin moiko in totokdon nopirisaya kon i Kristus. Akuoi in tongábí mogaid moyotakin monimu sinbá modugang pia in gina monimu.

SURAT I PAULUS KON JAMAAT RUM 8:11

Bo aka Roho i Allah inta ain nomiag bui kon i Kristus nongkon kinopatoian, bo nobiagdon kon ginamu, dá Sia inta ain nomiag bui kon i Kristus tua nongkon kinopatoian tatua, in momiagbí doman kon awakmu inta diá mononoi nion. Sia in mogaid kon tua takin Roho-Nea inta nobiag kon bonu in gina monimu.

OUMAN IN RASUL MITA 22:14

Onda intua sia in noguman kon inakó nanaa, ‘Ki Allah in mogoguyang naton ain nomiḻí kon inimu sinbá iko in monotaaudon kon onu in kinoibog-Nea, bo mokoontong kon i Yesus, simpaḷ i Allah inta ain nogaid kon onu in kinoibog i Allah, bo iko ain nokodongog kon singog i Yesus tontaní.

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

DANIEL 9:26

Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

MATIUS 27:24

Naonda in kinotaauan i Pilatus kon diádon sia mokobayow kon i monia tua, nodapot in momangkoidon mokacau totok, dá sia in nogamá kon tubig bo nonomok kon tayowon in intau moantó bo noguman, “Diábí in taḷáku kon dugú in intau tanaa! Tua in urusanbí monimu tontaní!”

YOHANES 16:10

Poniata-Neabí doman kon Akuoi naa in totuubí, sin Akuoi mayá kon i Amá bo diá bidon ontongon monimu in Akuoi.

EPESUS 3:12

Popisí in mopirisaya kon i Kristus bo lantaran notobatúdon takin-Nea, dá kita inogoiandon in daḷan dimiug kon i Allah takin totu-totuu mopirisaya.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.

IBRANI 10:10

Inaidandon i Yesus Kristus in onu inta kinoibog i Allah. Pinosumba-Neadon in awak-Nea tontaní saḷaku kuruban. Sia in noposumba in awak-Nea tatua tongábí komintan modapot in kopaḷutan dunia naa, táe onu in inaidan-Nea tatua, nondaritbí kon i naton nongkon bayongan in dosa.

PETRUS 1 3:19

Bo kon bonu in kaadaan-Nea saḷaku Roho tatua, Sia in minayá nopoyaput in Habar Mopia nongkon i Allah kon intau mita inta pinonjara: