PETRUS 1 3:15 - Alkitab Singog In Mongondow Masa In Tanaa

¹⁵ Táe kon bonu in ginamu, musti in moiko mobogoi in ponghoromatan tontaní inta moyokaan in kadudukan-Nea saḷaku Tuhan. Bo umuran pobasadia in motubag kon intau mita inta moibog mopoḻibó-ḻibó kon soaḷ inta nobaḻí dodoyonan in pirisaya monimu.

PETRUS 1 3:15 Referans Kwoze

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.

PETRUS 1 3:2

sin koontongan bidon monia kon oaidmu inta motuḻid bo motoindudui.

SAMUEL 1 12:7

Tanaa, in dikapa mayá. Akuoi in mopotaaudon in taḷá monimu kon tayowon i Tuhan. Toropdon kon bayongan totabi Tuhan inta ain pinoontong-Nea kon inimu bo kon mogoguyangmu.

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

KOLOSE 1:27

Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.

IBRANI 6:1

Tuamai, koḻigai bá mobalajardon in kita kon totundú moiduduimai naa soaḷ naonda in kobobiag saḷaku intau in Keresten inta moguyangdon in pororai. Donaaidon tongá umuran mopobui-buimai kon totundú inta muna. Musti mogogai in mogaid kon inta diá in baragunanea bo musti mopirisaya kon i Allah,

MAZMUR 119:46

Atorang-Mu in potaaukubí kon datu mita, bo diábí in akuoi mooyá.

KOLOSE 1:5

Moiko in mopirisaya bo motabi, sin moiko in moharap kon onu inta ain sinadia i Allah kon i monimu kon soroga. Ain dinongog monimu in soaḷ tatua wakutu in Habar Mopia inta nobanar in pinoyaput kon i monimu.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

YESAYA 41:21

Tuhan, datu in Israel, noguman kon dewa mita, “Pongadudon in pelekaramu, pogumandon in onu kinodoyonannea!

YESAYA 1:18

Ki Tuhan in noguman, “Igai toḻisíon naton in pelekara tanaa. Umpaka moiko mopura bayan popisí in dosamu mita, yo moiko in daritan-Kubí modapot in mobudó naonda bo kapot. Umpaka dosamu mita mobarong bo mobogat, moiko in ampungan-Kubí komintan.

YESAYA 29:23

Sin aka moiko mokoontong kon i adímu mita inta inogoi-Ku kon i monimu, dá moiko in mongakubí kon Akuoibí in ki Allah mokudus in Israel. Moiko in mohoromatbí kon i-Nakó bo motoguondok kon i-Nakó.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

YESAYA 5:16

Táe ki Tuhan Inta Totok in mokawasa nopoontong in koḷoḷoben-Nea pinongin nogaid kon onu inta nobanar. Sia in mopoontongbí in kototusi-Nea pongin monisig kon bangusa-Nea.

OUMAN IN RASUL MITA 24:25

Táe naonda in ki Paulus nongonguman kon soaḷ mobiag moitutui, soaḷ monahang kon napusu bo soaḷ hukuman kon singgai tumi, inagían ondok in ki Peliks dá nogumandon nanaa in sia, “Iko in motaaudon mayá in tanaa. Bain aka oyúon in kasampatan mopia, buikubí pokioiní in iko.”

OUMAN IN RASUL MITA 21:39

Ki Paulus in notubag, “Akuoi naa intaubí in Yahudi inta nongkon kotá in Tarsus, tobatú kotá inta moponting totok kon Kilikia. Akuoi in mopoigum kon i Tuang sinbá ogoipa in akuoi mosingog kon tayowon in intau moantó tatua.”

PINOGIAPAN 20:12

Táe ki Tuhan nonoboḷow kon i Musa bo kon i Harun, kai-Nia, “Popisí in moiko diá totok mopirisaya kon i-Nakó moponiata in kawasa-Ku inta motusi kon tayowon in bangusa Israel, dá moiko in diábí mobaḻí itoi inta motaau modia kon i monia tumuot kon butá inta pinodandi-Ku kon i monia.”

PINOGIAPAN 27:14

sin kon padang gurun Zin kamunda ain noḷawang kon parenta-Ku. Kon tungkuḷ in kon Meriba bayongan rayat nongunsingog kon i-Nakó, bo moiko doí moponiata in kawasa-Ku kon tayowon monia kon dodai in mosia kinodaitan in tubig.” (Tua in nobaḻí kon bokaká in tubig Meriba kon Kades, kon padang gurun Zin.)

AMSAL 15:28

Intau mopia morai muna bo mosingog; intau moraat mosingog kon inta moraat.

AMSAL 22:21

bo inta motundú kon inimu onu inta totu-totuu mobanar. Komintanmai, aka iko in poḻibóan, yo iko in mokotubagbí podudui kon onu inta iḻibó.

YESAYA 8:12

“Dika duíon yopopog onu inta kai monia in yopopog, bo dika moondok kon onu inta kinoondok monia.