PETRUS 1 2:22 - Alkitab Singog In Mongondow Masa In Tanaa

²² Sia in diábí dodai onda in nogaid kon dosa, bo diábí doman tobatúmai intau nokodongog kon i-Nia nonguboḷ.

PETRUS 1 2:22 Referans Kwoze

YESAYA 53:9

Sia in iḷobong noyotakin in intau moraat; pinoḷobongan kon inia in kon yua-yuak in intau nooyúon, umpaka diá kon dodai in onda in sia in nogaid kon inta moraat, bo diá kon dodai in onda in nonguboḷ.”

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

YOHANES 1 3:5

Bo kinotaauan bidon monimu kon ki Kristus tua in namangoi sin motobut kon dosa mita intau, bo Sia tua in diábí kon dosa.

WAHYU 14:5

Mosia in diábí dodai onda in monguboḷ; bo diábí doman in mokotor kon i monia.

YOHANES 1 2:1

Adíku mita! Naa mita in pinaisku kon i monimu, sinbá moiko in diádon mogaid kon dosa. Tongá aka oyúon in mogaid kon dosa, dá oyúon in mototuḷung naton, Sia tua in ki Yesus Kristus inta moadil. Sia in mayá in tayowon i Allah bo mopoigum sinbá ampungandon in taḷá mita naton.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

LUKAS 23:41

Tongá aka hukuman kon i natonda in patusbí tarimaan podudui in oaid naton, táe Sia naa in totokbí in diá kotaḷá!”

YOHANES 8:46

Ki ine in kon sigad monimu in motaau moponiata kon oyúon in dosa-Ku? Aka totuu in pinoguman-Ku, yo nongonu sin moiko in diábí mopirisaya kon i-Nakó?

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

LUKAS 23:47

Naonda in itoi in tontara nokoontong kon onu inta ain nobaḻí tatua, sia nodayow kon i Allah, kainia, “Totuu, Sia naa in diábí kotaḷá!”

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”

MATIUS 27:4

Bo noguman, “Binaradosadon in akuoi sin noposarakan in dugú in intau inta diá kotaḷá!” Táe mosia notubag, “Deemanbí urusan nami intua? Tua in urusanmubí tontaní!”

MAZMUR 34:13

Moibog degá in moiko moumur in kobiagan bo motarima kon inta mopia?