PETRUS 1 2:13 - Alkitab Singog In Mongondow Masa In Tanaa

¹³ Popisí in mopirisaya kon i Tuhan, dá moiko in musti mokopotoindudui kon pomarenta, pinomayá kon i Kaisar inta nokadai kon kawasa inta totok moponting,

PETRUS 1 2:13 Referans Kwoze

TITUS 3:1

Ponorop kon bayongan in jamaat, bá mosia in umuran kodu-kodudui kon itoi mita bo pomarenta, diá momaḷawang bo tantú mogaid kon inta mopia.

LUKAS 20:25

Dá ki Yesus in noguman kon i monia, “aka natua yo ogoidon kon i Kaisar onu inta patus ogoi kon i Kaisar, bo ogoi kon i Allah onu inta patus ogoi kon i Allah.”

AMSAL 24:21

Adíku, kotoguondokbí kon i Tuhan, bo horomatbí in datu. Dika kinodudu-duduiannea kon intau inta moḷawang kon i monia.

YEREMIA 29:7

Pogaidon sinbá motompia in kotá mita inta pinoḷumbúan-Ku kon i monimu. Posambayangdon kon i-Nakó sin kopontingan in kotá mita tatua, sin aka kotá mita tatua mobiag mooyúon, yo moiko in mobiagbí doman mooyúon.

MARKUS 12:17

“Dá aka natua,” kai Yesus, “ogoi kon i Kaisar onu in nobaḻí kapunyaan i Kaisar, bo ogoi kon i Allah onu in kapunyaan i Allah.” Mosia in nongoherang nokodongog kon singog-Nea tatua.

MATIUS 22:21

Mosia notubag, “Gambar bo pais i Kaisar.” Dá ki Yesus in noguman kon i monia, “Ogoidon kon i Kaisar onu inta musti ogoi monimu kon i Kaisar, bo ogoi kon i Allah inta musti ogoi monimu kon i Allah.”

PETRUS 2 2:10

torutama intau mita inta tantú dinumudui kon ibog in awak monia inta mokotor bo inta moningkuḻe kon kawasa i Allah. Ná domai tua in kobobarani monia bo koḷoḷatú in intau mita inta mongaku guru mita tatua, sahingga in diábí moondo-ondok in mosia moningkuḻe kon mahaḷuk mita in soroga inta momulia!

EPESUS 5:21

Sin mohoromat kon i Kristus, dá moiko mustibí mosiduduian.

AMSAL 17:11

Intau moraat umuranbí mokopomuká kon ropatoi, táe popatoi in mamangoi kon inia nobaḻí totabá inta moromú.

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.