PETRUS 1 1:22 - Alkitab Singog In Mongondow Masa In Tanaa

²² Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

PETRUS 1 1:22 Referans Kwoze

TIMOTIUS 1 1:5

Akuoi in mononggina nanaa sinbá intau kopakéandon in gina modarit motuḻid bo totu-totuudon mopirisaya kon i Tuhan, sahingga in oyúondon in totabian kon tumpaḷa intau.

IBRANI 13:1

Moiko in musti umuran mositabian saḷaku intau mita in Keresten inta mogutat.

YOHANES 1 4:12

Diábí tobatúmai intau in nokoimontandon in nokoontong kon i Allah, táe aka kita mositabian, yo ki Allah notobatúdon naton bo tabi-Nea mobaḻídon mosompurna kon i naton.

YOHANES 1 4:7

Utat mita inta kinotabiku! Koḻigai bá kita in umuran mobiag mositabian tobatú bo tobatú, sin tabi tua in nongkon i Allahbí, bo intau inta kototabi kon tumpaḷa intau in ki adíbí mita i Allah bo nonotaau kon i Allah.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

YOHANES 1 3:23

Naa in pinarenta-Nea kon i naton: Kita in musti mopirisaya kon i Adí-Nea, tuata in ki Yesus Kristus, bo kita in musti umuran mositabian, ná inta ain pinarenta i Kristus kon i naton.

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

TESALONIKA 1 3:12

Bo igumon doman mako nami kon i Tuhan bá moiko in umuran mositabian bo oyúon doman in tabi monimu kon tumpaḷa intau, sahingga in tabi monimu in kodugang-kodugangdon ná tabi nami kon i monimu.

YOHANES 1 4:20

Aka oyúon in intau moguman, “Akuoi in motabi kon i Allah,” táe sia in diá motabi kon i utatnea, yo mouboḷ in intau tatua. Sin intau inta diá motabi kon i utatnea inta ontongonnea mako, tantú diábí doman kumaan kon akaḷ aka sia in motabi kon i Allah inta diá inontongnea.

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.

OUMAN IN RASUL MITA 15:9

Ki Allah tua in diábí mopoyo-poyoposi kon intau. Dinaritan-Nea in gina monia sin mopirisaya in mosia.

YOHANES 1 3:11

Nongkon pinomangkoianmai habar tanaa ain pinotaau kon i monimu: Kita in musti mositabian tobatú bo tobatú.

PETRUS 2 1:7

Bo aka mobiag podudui in ibog i Allah yo musti intompodan in tabi kon i utat mita inta tumpaḷa mopirisaya kon i Allah bo tabi doman kon bayongan intau.

PILIPI 1:9

Naabí in sambayangku kon i monimu: Igumon mako doa, moiko in totu-totuudon motabi kon i Allah bo kon tumpaḷa intau bo umuran doman modugang in pongotahuan monimu kon soaḷ inta mopia bo pororai inta mobijaksana.

EPESUS 4:3

Ramujibí totok in mobiag moyodame sinbá kobiagan notobatú inta ain pinomia in Roho i Allah tantú koḷukadan.

GALATIA 5:5

Táe aka kon i nami, kami in tongábí moharap mako kon totabi i Allah sin pinodoyon kon pirisaya kon i Kristus, ki Allahbí in mobogoi in kasampatan mobiag moyodame bui takin-Nea.

WAHYU 2:4

Táe naa in poningkuḻe-Ku kon inimu: Tabi monimu kon i-Nakó in diádon ná inta muna.

PETRUS 1 4:17

Sin naa bidon wakutu i Allah momangkoi mohakim kon dunia naa. Bo umatbí i Allah inta muna-munamai hakimon. Dá aka kita inta mopirisaya bo hakimon doman, yo onu in mobaḻí kon i monia inta diá mopirisaya kon Habar Mopia nongkon i Allah tua?

PETRUS 1 4:8

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.

IBRANI 11:8

Popisí in mopirisaya, dá ki Abraham in dinumudui kon i Allah wakutu inoiní i Allah bo pinotabá minayá in butá inta pinodandi i Allah ogoi kon inia. Ki Abraham in minayábí doman umpaka diápa kinotaauannea mongo kon onda in bayáan.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

KORINTUS 2 6:6

Takin gina motuḻid, mobijaksana, mosabar bo mopia in gina, pinoniatadon nami kon kami in mogogundoibí i Allah. Bo takin kinumadai kon totuḷung in Roho i Allah, bo takin tabi inta noiḷuai nongkon gina inta motuḻid,

YOHANES 15:17

Naadon in parenta-Ku kon inimu: Moiko in musti umuran mositabian tobatú bo tobatú.”

PETRUS 1 3:1

Ná doman tua in moiko, bobay mita, kodu-koduduibí kon i buḷoi monimu, sinbá aka oyúon in kon sigad monia in diá mopirisaya kon habar nongkon i Allah, yo oaid monimu tua in mokopobaḻí kon i monia mopirisaya. Diá bidon paraḷu in moiko mosingog kon onu bo onu kon i monia,

IBRANI 5:9

Dá naonda in Sia binaḻídon mopoposaḷamat inta nosompurna, Sia in nobaḻídon pangkoi in kasaḷamatan inta mononoi kon bayongan intau inta umuran dumudui kon parenta-Nea.

TIMOTIUS 2 1:14

Takin totuḷung in Roho i Allah inta umuran kotaki-takin naton, umurai ḷukadai kopira in onu inta ain inogoi i Tuhan kon inimu, sin koboḻibí totok intua.

TIMOTIUS 1 5:2

Aka guyanga mita bobay dá pomia doman in mosia ná ki inámu tontaní. Natua doman in mongodeaga mita, pomia doman ná ki ai-aimu tontaní bo kotuḻidbí in gina.

TIMOTIUS 1 4:12

Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TIMOTIUS 1 1:3

Wakutu in akúon mayádon in Makedonia, pinakisakudon in iko sinbá umuranpa mogutun kon Epesus. Kon tua iko in mayá mononggina kon intau mita inta motundúmai kon soaḷ mita inta nongoitaḷá, sinbá gogaiandon monia in aid mita ná tatua.

TESALONIKA 2 2:13

Utatku mita inta kinotabi i Tuhan! Kami in musti umuran mopoyaput in sukur kon i Allah popisí in moiko, sin nongkon pinomangkoianpabímai piniḻídon i Allah in moiko sin posaḷamaton. Kasaḷamatan inta inaidan in Roho i Allah kon i monimu sinbá moiko in baḻíon umat i Allah inta mokudus sin mopirisaya in moiko kon habar inta mobanar nongkon i Allah.

GALATIA 3:1

Utat mita intau in Galatia! Moiko nion in totuudon mobodok! Ki ine degá in nopongaru kon i monimu? Eta kinoḻiongandon monimu inta pinogumanku kon tayowonmai monimu. Akuoi in noguman kon ki Kristus aindon pinopopakú kon kayu pinoyotaḻempang!

GALATIA 5:7

Koḻipod moiko in mosiḷawangan in mogaid kon inta mopia. Yo nongonu sin masai naa moiko in doí bidon dumudui kon onu inta kinoibog i Allah? Ki ine in nopongaru kon i monimu?

SURAT I PAULUS KON JAMAAT RUM 8:13

Sin aka moiko bo mobiag dumudui kon ibog in awak naa, dá matoibí; táe aka moiko bo momaké in kawasa in Roho i Allah bo umuran monginggamá kon aid mita inta mokobaradosa, yo mobiagbí in moiko.

SURAT I PAULUS KON JAMAAT RUM 2:8

Táe intau inta tongá morai kon kopontingannea tontaní bo diá doman motoindudui kon i Allah, bo tongá doman umuran dumudui kon inta moraat, intau mita natua in kosakibí totok in gina i Allah.

SURAT I PAULUS KON JAMAAT RUM 1:5

Bo pinongin i-Nia doman tua ki Allah in nobogoi in totabi kon i-Nakó nobaḻí rasul, sin mopotutui in daḷan kon bayongan intau sinbá mopirisaya bo motoindudui kon i-Nia.

YOHANES 17:17

Baḻí in mosia tongá kapunyaan i Amá pongin inta mobanar. Pirman i Allah tuata in mobanar.

YOHANES 15:3

Moiko nion in nodarit bidon, sin totundú inta inogoi-Ku kon inimu.

OUMAN IN RASUL MITA 6:7

Natuata inta nobaḻí sahingga pirman i Allah in totokdon noisiar magí mako bo intau mita inta nopirisaya kon i Yesus kon Yerusalem in nodugangdon totok in kobayongnea. Bo noantó domandon in imang in nopirisaya kon i Yesus.

YOHANES 17:19

Popisí in kopontingan monia, Akuoi in noposarakandon in awak-Ku saḷaku kapunyaan i Amá sinbá mosia in tongá doman mobaḻí kapunyaan-Ku pongin inta nobanar nongkon i Amá.

YAKOBUS 1:21

Tuamai ḷumbúdon in tabiat inta nonajis bo moraat. Táe koaḷusdon in gina motarima kon pirman inta pinomuḷa i Allah kon bonu in ginamu, sin moḷoben kawasa in pirman tatua kon moposaḷamat kon inimu.

PETRUS 1 3:20

tuata in roho mita in intau inta diá motoindudui kon i Allah kon sempo i Nuh. Kon wakutu intua nosabar totok in ki Allah nogoḷat kon i Nuh dodai in nogaid kon kapaḷnea. Tongábí taya waḷu inta kon bonu in kapaḷ tatua in pinosaḷamat nongkon ḷunud inta moḷoben totok tatua.