OMBAḶ 5:8 - Alkitab Singog In Mongondow Masa In Tanaa

⁸ Kami in pinarenta in intau mita inta diá noiḻiu kon bobantung; diá in kokawasa mopoḷuat kon inami nongkon i monia.

OMBAḶ 5:8 Referans Kwoze

ZAKHARIA 11:6

Akuoi in diá bidon motabi kon i inekabí kon butá tanaa. Akuoi tontaní in moposarakan kon bayongan in intaunea mita kon pongawasa mita. Mosia tua in morimumud kon butá tanaa, bo Akuoi in diá bidon mogagow bui nongkon kawasa monia.”

NEHEMIA 5:15

Gubernur mita inta noiuna kon inakó in nokodugangdon kon roriga in rayat sin mosia in monuntut kon opat nopuḷú in doit saḷaka in tosinggai sin pakéon kon pongaanan bo anggur. Moidapot doman in pogawai mita monia in mondorot kon rayat. Táe akuoi in doíbí mogaid kon natua sin moondok in akuoi kon i Allah.

AMSAL 30:22

bobantung tobatú inta nobaḻí datu, intau bodok tobatú inta nokouḻí kon bayongan inta kinoibognea,

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.

YESAYA 43:13

modapot in mononoi Akuoi in umuranbí Allah. Diábí in mokoḷagui nongkon kawasa-Ku, andeka moḷamboi kon tomayá-Ku.”

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 5:4

Dá ki adínea mita in diábí nokoimontanmai in sinuḷungan; doíbí in moibog moduḷu kon i monia kon pongadilan.

NEHEMIA 2:19

Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

ULANGAN 28:43

Intau ango-angoi inta nogutun kon butámu in modugangdon in kawasa monia, bo kawasamu tontaní in kogaat-kogaatdon.

KINOBAḺIAN 9:25

sia noguman, “Binutungdon in Kanaan! Sia in mobaḻí ata inta totok in mohina kon i utatnea mita.