OMBAḶ 5:12 - Alkitab Singog In Mongondow Masa In Tanaa

¹² Itoi mita nami in dinomok bo binambé, guyanga mita nami in diádon sinompuri.

OMBAḶ 5:12 Referans Kwoze

OMBAḶ 4:16

Ki Tuhan in diá bidon noindoimai kon umat-Nea; Siabí tontaní in noporarit kon i monia bo binaḻí-Nea in imang mita diádon ihoromat; itoi mita diábí in nonotabi.

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 2:10

Guhanga mita in kotá iḻimitú kon butá bo kibio-biómai; mosia in nopoinggú in ḷobud kon uḷu, bo nomaké in kaeng karong nobaḻí tomponuot kon pinonogumatoian. Mongodeaga mita in kinumuyung nodapot in butá.

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.