OMBAḶ 5:1 - Alkitab Singog In Mongondow Masa In Tanaa

¹ Toropdon, kaasí Tuhan, onu inta nobaḻí kon inami. Bobuidon in kami, bo indoiaika in kohohina nami.

OMBAḶ 5:1 Referans Kwoze

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

OMBAḶ 3:61

Iko, Tuhan, in nokodongog kon akuoi siningkuḻe; Kinotaauan-Mu in bayongan in tomayá monia.

OMBAḶ 3:19

Morai kon binayáan bo rorigaku nádon onda bo nokaan kon rasum inta pait.

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

YEREMIA 15:15

Bo akuoi in noguman, “Tuhan, Iko in nomangaḻe. Toropdon bo tuḷungaipa kaasí in akuoi. Tuḻíaidon in mosia inta nogaḷow bo inta nomogutú kon inakó. Dika moiḻiu in sabar kon i monia modapot in mosia bain mokoḻimod kon inakó. Toropdon kon popisí in Iko dá akuoi in siningkuḻe.

MAZMUR 79:12

O Tuhan, tuḻíaidon in bangusa mita tatua kopitu noguntuḷ in kororiganea popisí in bayongan in singkuḻe monia kon ini-Mu.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

NEHEMIA 4:4

Dá nosambayangdon in akuoi, “Oo Allah, indongogaipa kaasí in naonda in pinononingkuḻe kon inami! Popountudon bui kon uḷu monia tontaní in singkuḻe monia tatua. Biódon mako in bayongan kapunyaan monia in agowon bo mosia tontaní in akuton nobaḻí intau inta dinakop pobayá in butá ibanea.

LUKAS 23:42

Nosingog mako natua, sia in noguman kon i Yesus, “Yesus, toropdon in akuoi aka iko in mamangoidon saḷaku Datu!”

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 1:20

O, Tuhan! Indoiaipa kaasí in akuoi, moḻia-ḻiaw in ginaku bo moondok, nogoguyaat popisí in aidku moraat dungkuḷmai. Kon daḷan mita oyúon in poḻimodan, kon bonu in baḷoi oyúon in matoi.

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

AYUB 7:7

Toropdon, o Allah, kobiaganku in tongábí tompot poginaan; kobiaganku inta mopia in nobuḻi, diá in toimpaḷot.

NEHEMIA 1:8

Oo Tuhan, toropdon in tosingogon-Mu mita inta siningog i Musa pinodoyon kon parenta-Mu, kon aka kami, umat in Israel, diá mosatia kon ini-Mu, kami in porariton-Mu kon sigad in bangusa mita ibanea.

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

MAZMUR 119:153

Indoiaipa kaasí in rorigaku bo posaḷamatpa in akuoi, sin diábí sinaḷáanku in hukum-Mu.

YESAYA 62:6

Kon dinding in Yerusalem Akuoi monampat kon moḷoḷukad; singgai doḷom mosia in diábí motaau in tongá kibio-biómai, táe mustibí umuran moponorop kon i Allah kon dandi inta ain pinomia-Nea.

OMBAḶ 3:50

modapot in Iko, kaasí Tuhan kon soroga, moindoimai kon inami.

MAZMUR 74:18

Toropdon naonda in pinononingkuḻe in musung kon ini-Mu, o Tuhan, bangusa inta diá nonotaau kon ini-Mu nohojat kon tangoi-Mu.

YEREMIA 51:51

Moiko in moguman, ‘Kami in siningkuḻe bo pinokopo oyámai; kami in kinobuḻiandon in pogot popisí in intau mita ango-angoi iḻimitú kon yuang mita motusi kon bonu in Baḷoi i Tuhan.’

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

OMBAḶ 1:11

Takin ombaḷ intaunea mita notayak kon pakéon kobiagan; pakakat mita inta koboḻi pinonoḻiu monia kon roti, tongá popisí in bá umuranpa in mosia mobiag bo diápa matoi. Yerusalem in nokuani, “O Tuhan, indoiaipa kaasí in akuoi, indoiaipa kaasí in bayongan in rorigaku.”