OMBAḶ 3:7 - Alkitab Singog In Mongondow Masa In Tanaa

⁷ Akuoi in inumantungan-Nea kinoropot, dá diádon mokopongonu in akuoi.

OMBAḶ 3:7 Referans Kwoze

AYUB 19:8

Iḷamboian i Allah in daḷanku, diá motaau tumaḻib in akuoi, lorongku mita binaḻí-Nea nosindip totok.

AYUB 3:23

Kobiagan monia moiduduimai in inoḻiungan i Allah, mosia in iḻibu-Nea iḷukadan nongkon posibotak.

HOSEA 2:6

Tuamai kurungon-Ku in sia kon ruak in bo bonganga, bo moḷamboi kon daḷannea takin tondokon in dinding.

OMBAḶ 1:14

Ginamá-Nea in bayongan in dosaku, bo binogotnea sinobatú, bo pinopoboboḷnea kon sigogowku, dá kobogatnea in nokoḷungkoyó kon inakó. Akuoi in inogoi i Tuhan kon saturuku; diá mokopongonu in akuoi kon i monia tua.

YEREMIA 40:4

Tanaa in bukaankudon in pinoumantungan kon inimu bo iko in buḻiankudon. Aka moibog in iko, yo motaaubí in dumudui mayá in Babel, bo ḷukadankubí in iko. Táe aka doí, diábí doman nongonu. Kon sinangkub in butá tanaa mobebasbí in iko in mayábí in onda in koibogmu.”

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

MAZMUR 88:8

Torú-Mu nondorot kon inakó, akuoi in norimumud kinodorotan in torú-Mu.

DANIEL 9:12

Iko in nogaid noitombutung ná inta ain pinodandi-Mu kon inami bo kon mongongawasa nami. Yerusalem ain ihukum-Mu noiḻiu kon kotá ondaka in kon dunia naa.

OMBAḶ 5:5

Naonda bo bobiagon, kami in pinakisa mogaid kon oaidan mobogat, moḷopí in kami, táe diá ogoi mogogai.

OMBAḶ 3:9

Iḷonggaian-Nea in daḷan bayáanku in dinding mita batu.

MAZMUR 88:9

Pinoyayú-Mu kon inakó in intau mita inta nogogintaauanku, bo binaḻí-Mu in akuoi mokobú kon i monia. Akuoi kinokurungan bo diá mokoḷuai,