OMBAḶ 3:59 - Alkitab Singog In Mongondow Masa In Tanaa

^59-60 Iko in nokoontong kon aid moraat inta ain pinopoaid kon inakó tomayá moraat in musung inta mondoí kon inakó. Tuamai, o Tuhan, duḷuaidon in pelekaraku.

OMBAḶ 3:59 Referans Kwoze

MAZMUR 43:1

Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

MAZMUR 35:1

Mazmur i Daud. Tuhan, tayowaidon in intau inta monayow kon inakó, parangdon in intau inta momarang kon inakó.

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

MAZMUR 9:4

Kon tayowon-Mu musungku in nomurow bo noḷagui; mosia in noḷabú noipintud bo minatoi.

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

MAZMUR 35:23

Sindogdon bo duḷuai in pelekaraku, o Allahku bo Tuhanku, tuḷungaipa kaasí in akuoi!

YEREMIA 15:10

Totuu mosoe in akuoi naa! Onubí in mangaḻe in pinononggadían i ináku kon inakó? Akuoi in mustibí morogenggeng takin bayongan in intau. Umpakabí diá kon dodai in onda in akuoi mopoḷuan andeka moḷuan, táe akuoi in inodi-odian in bayongan intau.

KINOBAḺIAN 30:6

Ki Rahel noguman, “Ki Allah ain nobogoi in koadilan kon inakó. Inindogogan-Neadon in sambayangku bo inogoian-Neadon akuoi in adí ḷoḷaki tobatú.” Bo sinangoianneadon in adí tatua ki Dan.

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

OMBAḶ 3:36

popisí in inta moadil sinuui, yo notantúbí kon ki Tuhan in nonotaaubí bo noindoi mako.