OMBAḶ 3:4 - Alkitab Singog In Mongondow Masa In Tanaa

⁴ Pinopomukaan-Nea in kinekeban modaḷom in awakku, bo tuḷanku mita in nongoputoḷ.

OMBAḶ 3:4 Referans Kwoze

YESAYA 38:13

Kino ouput in doḷom momaḷú in akuoi mogigon kon monakit, tuḷanku naonda bo butukon in singa tobatú; kon inakó kamai ki Allah monimpodon kon kobiaganku.

MAZMUR 51:8

Iko in monuntut kon kototuḻid in gina; pogonúaidon in ginaku in hikmat-Mu.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

MAZMUR 32:3

Kon dodai in akuoi diá mongaku kon dosaku, moḷungkoyódon in akuoi popisí in mogamui kinoouput in singgai.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

AYUB 30:30

Kuḻitku in irumondí; awakku in nopokak sin pinonik in patú.