OMBAḶ 3:16 - Alkitab Singog In Mongondow Masa In Tanaa

¹⁶ Pogotku in pinoporadatnea kon butá, ingiponku in pinopo datong-Nea kon batu nodapot in noputoḷ.

OMBAḶ 3:16 Referans Kwoze

AMSAL 20:17

Kapunyaan inta nouḻí inuboḷan, dungkuḷ mopira in nanamnea, táe moiduduimai kon tua nádon batu inta moḷanit.

YEREMIA 6:26

Ki Tuhan in noguman kon umat-Nea, “Pakédon in daing karong bo ponangkuḻitodon kon ḷobud. Ponogumatoidon bo pogamuidon takin roriga in gina naonda bo intau inta nongombaḷ sin kinopatoian i adínea tuḷong, sin momomutú in daḻídon monubu kon i monimu.”

MAZMUR 58:6

inta diá mokodongog kon singog in pawang inta mopandoi, andeka singog in mososingog kon totaau inta motoḻindat.

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

LUKAS 11:11

Degá oyúon in kon sigad monimu in guyanga inta aka poiguman i adínea kon toyá, yo ogoiannea in uḷag?

MATIUS 7:9

Oyúon degá in kon sigad monimu in mobogoi in batu kon i adínea, aka ki adínea moigum kon roti?

YUNUS 3:6

Kon tungkuḷ in datu in Niniwe nokodongog kon habar tatua, ḷagi in sia noponag nongkon ḷoḻitúan pomomarentaannea. Iḷongkutnea in jubah in dodatuannea bo noḷutud kon kaeng karong, bo iḻimitúdon in sia kon tudu in ḷobud.

MAZMUR 102:9

Kinoouput in singgai musung moningkuḻe kon inakó; tangoiku in binaḻí kutuk i intau mita inta tumorú kon inakó.

AYUB 4:10

Intau moraat moganggor bo mogaú, naonda bo singa mosia in moganggor. Táe pinomponan i Allah in bibig monia poḷat nomutoḷ kon ingipon mita monia.

AYUB 2:8

Bo ki Ayub iḻimitú kon diug in yoyatan, bo nogamá kon bonsig in posilag sin pongukud kon awaknea.