OMBAḶ 2:7 - Alkitab Singog In Mongondow Masa In Tanaa

⁷ Ki Tuhan in doídon in mezbah-Nea inta motusi, bo nonaḷámaidon kon Baḷoi-Nea tontaní; pinomayá-Neadon mako in musung nogumpag kon dindingnea mita. Kon tampat pinoibadaan bo pinoramean naton koḻipod, musung in monggoḷokap popisí in nountung.

OMBAḶ 2:7 Referans Kwoze

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

AMOS 2:5

Tuamai, potabá-Kubí mangoi in tuḷú kon Yohuda bo momokak kon bayongan in benteng in Yerusalem.”

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

MATIUS 24:2

Ki Yesus in noḻibó kon i monia, “Inontongdon monimu in nion komintan? Poguman-Kudon kon i monimu, diábí tobatúmai in batu kon naa in pomayá mako moitudu motompia kon batu ibanea. Tua komintan daitonbí uuyon.”

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

YEHEZKIEL 7:24

Bangusa mita inta totok in moromú in poangoi-Kubí sin mongawasa kon baḷoimu mita. Intaumu mita inta mongotoyang bo inta mongotorindog in moondokbí aka pomayá-Ku mako in bangusa mita tatua morimumud kon tampat mita pooibadaanmu.

OMBAḶ 2:5

Ki Tuhan nobaḻí naonda bo musung; binoutnea in Israel nodapot in norumbun. Irimumud-Nea in dinding mita takin komaḻig, bo nodugang kon ajar in gina kon intau in Yohuda.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

YEREMIA 39:8

Bo intau mita in Babel nonurub kon komaḻig in datu bo baḷoi mita in rayat, poḷat nogumpag kon dinding mita in Yerusalem.

YEREMIA 32:29

bo monurub kon tua modapot in mopayong takin baḷoi mita in intau mita inta nokopomuká kon torú-Ku, sin kon tudu in atop in baḷoi mita tatua notubá in mosia kon dupa kon i Baal bo nopobutak in anggur sin posumba kon dewa mita.

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

TAWARIKH 2 36:19

Sia in nogumpag kon dinding in kotá in Yerusalem, bo nonurub kon kotá tatua, takin doman Baḷoi Tuhan bo bayongan in komaḻig takin pakakat mita inta koboḻi inta kon bonupa in komaḻig mita tatua.

IMAMAT 26:44

Táe umpaka in mosia kon butápa in musung monia, mosia in diábí taḷaan-Ku ande yompaton-Ku komintan. Sin aka mosia yompaton-Ku, yo mangaḻenea kon tua Akuoidon tontaní in nomontow kon dodandian-Ku takin i monia, bokaka Akuoi naa in ki Tuhan Allah monia.

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

MAZMUR 89:39

Táe tanaa in Iko tumorú kon i datu, Iko in noḷumbú bo nondoí kon intau inta piniḻí-Mu.

YEREMIA 21:4

nopotaau kon i Zedekia kon ki Tuhan, Allah in Israel, noguman nanaa, “Zedekia, Akuoi in monaḷowbí kon tontaramu inta tanaa koyogot in noparang nonayow kon i datu in Babel takin tontaranea. Pakakat mita in parang in tontaramu in sipunon-Ku kon yua-yuak in kotá.

YEREMIA 50:28

Intau mita inta noḷagui minayá in Yerusalem nongkon Babel nongonguman kon naonda in ki Tuhan Allah naton notuḻí kon pinogogaid in intau in Babel kon Baḷoi Tuhan.)

OMBAḶ 1:4

Kon singgai mita moḷoben diá in tobatúmai in intau in mamangoi kon Baḷoi i Allah. Mongodeaga mita inta mododondong kon tua mororiga, bo imang mita in morongombaḷ. Diábí in intau kon bonawang mita, Kotá in Sion kinawasa in robonoḷ in gina.

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

YEREMIA 4:26

Butá moḷumbá in nobaḻídon rawang noingkag, kotá mita in norimumud nobaḻídon rumbunnea, popisí in ki Tuhan in sinumorúdon totok kon umat-Nea. (

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)