OMBAḶ 1:16 - Alkitab Singog In Mongondow Masa In Tanaa

¹⁶ Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

OMBAḶ 1:16 Referans Kwoze

OMBAḶ 1:2

Kinoouput in doḷom sia in mongombaḷ moajar in gina, ḷuánea in motutug kon putongi. Diá tobatúmai in kon sigad in yobayatnea mita in moibog moḻipoi kon inia. Sia in Pinomaḻidawan in yobayatnea mita inta ain nonoḻikud bo nobaḻídon musung.

OMBAḶ 2:18

Ei dinding mita in Yerusalem, pokuanidon kon i Tuhan! Potutugdon in ḷuámu naonda bo tubig in ongkag inta moiḻig singgai doḷom. Tantúbí pongombaḷ, dika modoná modapot in awakmu moḷopí!

OMBAḶ 2:11

Mataku in nobobagá popisí in nongombaḷ diá nodona-doná, dimukudku in moondok diá in batainea. Ginaku in norumbun nokoontong kon kinorumbunan in bangusa; nokoontong kon mongoadí mita bo adí mointok sinogopuḷong kon daḷan mita in kotá.

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

YEREMIA 9:21

Popatoi in sinumuotdon nongin jandela, sinumuotdon kon bonu in komaḻig; sia in nodomok kon mongoadí mita kon daḷan bo tayow mobiag kon rawang.

YEREMIA 9:10

Akuoi, ki Yeremia, noguman, “Akuoi in mongombaḷ bo mononogumatoi sin rawang in bonok kon ḷopá bo kon buḷud mita inta ain noingkag totok bo diádon sinaḻiban in intau. Singog in bobiagon diádon kodongogan, manuk bo mahaḷuk mita ibanea noḷaguidon bo nobuḻi.”

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

MOHOHUTUBA 4:1

Onda intua sinaridianku bui in bayongan aid diá moadil inta nobaḻí kon dunia naa. Intau mita inta iroriga nongombaḷ bo diá in moibog motuḷung, popisí in intau mita inta mopororiga tua in kokawasa moḷoben.

MAZMUR 69:20

Kinotaauan-Mu kon akuoi in totokbí in irebeg, siningkuḻe bo iraa-raatmai, inontong-Mubí in bayongan in musungku.

YEREMIA 8:18

Ginaku monakit bo mopomporí, amuiku diá koundaman.

MAZMUR 106:42

Bo mosia in dinorot in musung mita monia, bo pinotungkud kon ḻimonag in kawasa monia.

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.

YEREMIA 15:5

Ki Tuhan in noguman, “Ei intau in Yerusalem, ki ine in monotabi kon i monimu? Ki ine in moibog moduḷu monahang kon nakit in gina monimu? Ki ine in moibog mongandup sin moḻibó kon kaadaanmu?