OMBAḶ 1:14 - Alkitab Singog In Mongondow Masa In Tanaa

¹⁴ Ginamá-Nea in bayongan in dosaku, bo binogotnea sinobatú, bo pinopoboboḷnea kon sigogowku, dá kobogatnea in nokoḷungkoyó kon inakó. Akuoi in inogoi i Tuhan kon saturuku; diá mokopongonu in akuoi kon i monia tua.

OMBAḶ 1:14 Referans Kwoze

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

ULANGAN 28:48

Tuamai moiko musti mogundoi kon musung mita inta pinoangoi i Tuhan sin moḷawang kon i monimu. Moiko in aputondon in gogoy, yogang bo mopilang bo diá koonu bo onu. Ki Tuhan in mondorot totok kon i monimu modapot in moiko moyopú.

YEHEZKIEL 25:7

Tuamai in ogoi-Ku in moiko kon bangusa mita inta bain mogagow kon bayongan in kapunyaanmu. Moiko in yopúon-Kubí námai tua, modapot in diádon mobaḻí tongobangusa bo diádon kobutá tontaní. Dá kotaauandon monimu kon Akuoibí in ki Tuhan.”

YEHEZKIEL 25:4

Tuamai in pomayá-Kudon mako in moiko in taḷowon in suku mita in bangusa nongkon rawang in Pomukaan. Mosia in moposindogbí in ḷoḷaigan mita kon butámu bo mogutun motantú kon tua. Mosia in mokaanbí kon bungai in pinomuḷamu bo monginum kon susu in bobiagonmu.

YEREMIA 28:14

Ki Tuhan Inta Totok in mokawasa, Allah in Israel, in noguman kon Sia in mopopakébí in tombuḻigan uatoi kon sindun in bayongan bangusa tanaa, bo mosia in mobaḻíbí ata kon i Nebukadnezar, datu in Babel. Ki Tuhan in noguman doman kon mahaḷukpa moraat in ogoi-Neabí doman kon bonu in kawasa i Nebukadnezar.”

AMSAL 5:22

Dosa in intau moraat in naonda bo poyogaḷap inta modomok kon intau tatua.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

YEHEZKIEL 23:28

Ki Tuhan Inta Totok in moḷantud in noguman, “Akuoi in mobogoibí kon inimu in intau mita inta mokobú bo inta kinodoímu.

YEHEZKIEL 21:31

Popotugat-Kubí kon i monimu in torú-Ku inta modoko-dokot. Bo moiko in ogoi-Kubí kon intau mita inta moḻingá inta nobiasadon moḻimod.

YEHEZKIEL 11:9

Moiko in diaan-Kubí poḷuai kon kotá bo ogoi-Ku kon intau ango-angoi. Akuoi in nopoḷabúdon in hukuman matoi kon i monimu.

YEREMIA 37:17

Onda intua ki Datu Zedekia nopotabá kon intau sin modia kon inakó pobayá in komaḻig kon inia. Kon tua inumuni uni in sia noḻibó kon inakó mongo oyúon in koyow nongkon i Tuhan. “Oyúon,” tubagku. Bo akuoi in noguman, “Ki Tuang datu in ogoi kon i datu in Babel.”

YEREMIA 32:5

Onda intua ki Zedekia in akutondon pobayá in Babel bo mogutun kon tua modapot in Akuoi mohukum kon inia. Umpakabí in sia momarang kon intau in Babel, diábí in sia mokountung. Akuoi, ki Tuhan, ain nosingog.”

YEREMIA 27:12

Kon i Zedekia datu in Yohuda, akuoi, ki Yeremia, nopotaau in natua doman. Akuoi in moguman, “Tungkudon kon i datu in Babel. Kotoḷutui kon inia bo kon bangusanea, sinbá mosaḷamat in ki Tuang Datu.

YEREMIA 27:8

Bangusa andeka dodatuan inta doí mokiompu kon i Nebukadnezar in hukumon-Ku pongin parang, gogoy, bo yampoi in takit, modapot in kon imbuitnea bangusa tatua in mokiompubí doman.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YESAYA 14:25

Intau in Asyur kon Israel butá-Ku, in yopúon-Kubí, bo inta kon buḷud-Ku mita in tokoritakan-Kubí. Poḷuaton-Kubí in bangusa-Ku nongkon pinororigaan bo nongkon bobabaan inta pinakisa kon i monia in intau in Asyur.

YEREMIA 28:13

minayá kon i Hananya sin moguman nanaa, “Ki Tuhan in noguman kon iko in mokoputoḷbí kon tombuḻigan kayu, táe Sia in momaḷuibí in tombuḻigan uatoi.

YEREMIA 32:3

i Datu Zedekia popisí in pinoponapudan kon nopotaaudon kon ki Tuhan in noguman nanaa, “Datu in Babel in pomayá-Kudon mako in mopotungkud bo mongawasa kon butá tanaa,

MIKHA 2:3

Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.