OMBAḶ 1:12 - Alkitab Singog In Mongondow Masa In Tanaa

¹² “Ei intau mita inta tumaḻib kon daḷan, indoiai bo taridiai! Oyúon degá in roriga inta ná kobogat in rorigaku tanaa, sikisa inta pinopoantug i Tuhan kon inakó, popisí in torú-Nea inta moḷoben totok tua?

OMBAḶ 1:12 Referans Kwoze

DANIEL 9:12

Iko in nogaid noitombutung ná inta ain pinodandi-Mu kon inami bo kon mongongawasa nami. Yerusalem ain ihukum-Mu noiḻiu kon kotá ondaka in kon dunia naa.

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

MATIUS 24:21

Sin kon wakutu intua koangoian in roriga totok, roriga tatua in diápa kon dodai in onda in nobaḻí nongkon pinangkoipamai in dunia naa pinomia nodapot masa in tanaa, bo roriga tatua in diá bidon bui mobaḻí.

OMBAḶ 2:13

O Yerusalem, Kotá in Sion inta kinotabi totok, kinorumbunanmu in nádon koḷoben in baḷangon. Onu degá in motaauku singogon sin mopoḻipoi? Sin, diábí kon dodai in onda in nokouḻí kon roriga ná iko. Totuu kon diábí in mokopobui kon kaadaanmu.

YESAYA 13:13

Baḻíon-Ku in ḷangit gumugur bo butá in moḷundan nongkon kinoḻitúannea kon singgai in Akuoi, ki Tuhan Inta Totok in mokawasa, mopoontong in torú-Ku.

MAZMUR 88:16

Nongkon nointokanpamai akuoi nororiga bo sinarap mako in popatoi, moyoyigadon totok in akuoi mobaba kon hukuman-Mu.

YEREMIA 4:8

Tuamai, pongombaḷ bo pogamuidon, pakédon in daing karong nobaḻí tomponuot in pinonogumatoian. Sin torú i Tuhan inta tumaga-tagab diápa doman nopiong nongkon Yohuda.

YEREMIA 30:7

Singgai motoyang ain noiangoi, singgai inta diá in poḷawangan. Kon i umat-Ku, tua in singgai inta mokoondok; táe mosia in posaḷamaton-Kubí.”

YEREMIA 30:23

Torú i Tuhan nádon deḷang, nádon tompot moropot inta nondangat kon intau mita moraat, bo diádon mooyong kon dodai in diápa mobaḻí in bayongan tomayá-Nea. Kon singgai moiduduimai umat-Nea in monotaaudon kon tua.

YEREMIA 48:27

Sin intau in Israel koḻipod in kinosingan in Moab bo inouman magí mako naonda bo mosia in kinotambakandon noyotakin in mononakow mita?

OMBAḶ 1:18

Táe ki Tuhanbí in totuu, popisí in parenta-Nea ain iḻimpatanku. Indongogaipa in akuoi, ei bangusa mita, indoiaika in akuoi kon bonu in roriga. Intau mita tayowmobiag bo mongodeagaku in dinakop, bo inakut pinobayá in pinoḷumbúan.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

YEREMIA 10:19

Intau in Yerusalem nomaḷú, “Kami in sinongkekeban modaḷom bo diádon mopia. Koḻipod in kainamikamai dá roriga tanaa in kobabaanbí nami, naanta yo diábí.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.