OMBAḶ 1:11 - Alkitab Singog In Mongondow Masa In Tanaa

¹¹ Takin ombaḷ intaunea mita notayak kon pakéon kobiagan; pakakat mita inta koboḻi pinonoḻiu monia kon roti, tongá popisí in bá umuranpa in mosia mobiag bo diápa matoi. Yerusalem in nokuani, “O Tuhan, indoiaipa kaasí in akuoi, indoiaipa kaasí in bayongan in rorigaku.”

OMBAḶ 1:11 Referans Kwoze

YEREMIA 52:6

Kon singgai in siownea buḷan inggopatnea kon taong doman tatua, kon dodai in malarat in gogoy motoyangdon totok nodapot in rayat in kinodaitandon totok in kaanon,

YEREMIA 38:9

“Tuang datu Inta Momulia, aid in intau mita tatua in diábí mopia. Mosia in nopobonudon kon i Nabi Yeremia kon parigí; notantú bidon kon matoi in gogoy in sia kon tua, sin kaanon kon kotá tanaa in nodaitdon.”

OMBAḶ 2:12

Noḷopídon in mosia in nongombaḷ noigum kon kaanon bo inumon kon i inánea. Naonda bo intau kinekeban, mosia in noumpag kon daḷan mita bo minatoi kokoyo-koyot i inánea.

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

YEREMIA 19:9

Musung in moḻipungbí kon kotá tanaa, bo moḷongasi moḻimod kon intau inta nogutun kon bonunea. Pongopungan tatua in námaidon tua in kotoyangnea, nodapot in intau mita kon kotá tanaa mosikaanandon kon tumpaḷa yobayat, nodapot in ki adí mita monia tontaní.”

DATU MITA 2 6:25

bo nokopopisí kon nomukádon in gogoy motoyang kon kotá, nodapot in uḷu in keledai tobatú boḻinea in doyowa nopuḷú in doit saḷaka bo doyowa no ons in taai in paḷoma ḻima in doit saḷaka.

YEREMIA 15:19

Ki Tuhan in notubag, “Aka iko in mobui, yo takinan-Kubí in iko. Iko in mobaḻídon bui mogogundoi-Ku. Aka iko in mopotaau kon inta oyúon in mangaḻenea bo deeman uboḷ, dá iko in motaau mobaḻí nabi-Ku bui. Intau mita in buibí mamangoi kon inimu, bo diá bidon paraḷu in iko mayá kon i monia.

OMBAḶ 1:8

Yerusalem in nopokotordon in awaknea tontaní pinongin nogaid kon nobayong in dosa mokorongó. Bayongan inta dungkuḷmai in nohoromat kon inia, tanaa in noningkuḻedon kon inia popisí in nokoontong kon kinopilangannea. Sia in nongombaḷ, popisí in kinobuḻiandon in pogot.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

OMBAḶ 2:11

Mataku in nobobagá popisí in nongombaḷ diá nodona-doná, dimukudku in moondok diá in batainea. Ginaku in norumbun nokoontong kon kinorumbunan in bangusa; nokoontong kon mongoadí mita bo adí mointok sinogopuḷong kon daḷan mita in kotá.

OMBAḶ 5:1

Toropdon, kaasí Tuhan, onu inta nobaḻí kon inami. Bobuidon in kami, bo indoiaika in kohohina nami.