OBAJA 1:1 - Alkitab Singog In Mongondow Masa In Tanaa

¹ Naa in toḷanow i Obaja; sia nopoyaput in koyow i Tuhan Inta Totok in moḷantud soaḷ bangusa in Edom: Ki Tuhan ain nopotabá in totabá-Nea namangoi in bangusa mita, bo kita in nokodongogdon kon koyow mita inta dinianea noiduduimai naa, “Posadiadon moparang! Igai mayá in kita monubu kon Edom.”

OBAJA 1:1 Referans Kwoze

YOËL 3:19

Mesir in mobaḻídon buḷud inta mobota-botak, bo Edom in mobaḻídon moḷogat, diá bidon pogutunan in intau. Popisí in mosia in nonubudon kon intau in Yohuda, bo noḻimod kon intau kon butá tatua inta diá in taḷánea.

YESAYA 30:4

Umpaka totabá mita in Yohuda ain noiyaput kon kotá mita in Zoan bo Hanes kon Mesir,

YESAYA 21:11

Naa in koyow kon Edom. Oyúon in intau in momaḷú kon i-Nakó nongkon Edom, “Ei, moḷoḷukad, moonggotpa degá in doḷom tanaa? Tongonupa nojam bo mobayag?”

MAZMUR 137:7

O Tuhan, toropdon in aid mita in intau in Edom kon tungkuḷ in Yerusalem iyompat. Mosia in noguman, “Umpagdon, umpagdon dapot in apadnea mita!”

MARKUS 13:7

Aka moiko mokodongog kon goḷotup mita in parang bo habar mita poparangan, dikabí moondok. Sin tua in mustibí mobaḻí muna, táe deemanbí kon tuadon i wakutunea mokiamat.

MATIUS 24:6

Kondongogan monimu in tombá poparangan andeka habar mita moparang, táe dika moondok. Sin tua komintan in mobaḻíbí tongá deemanpabí singgainea.

MIKHA 2:13

Bukáan-Kubí in daḷan bo modia kon i monimu ḷumuai nongkon pinoḷumbúan. Moiko in mondangatbí kon bonawang mita bo mayá takin diá in ḷambo-ḷamboinea. Akuoi, ki Tuhan tontaní, in Datumu, bo Akuoi in modia kon i monimu ḷumuai.”

YEREMIA 51:46

Dikadon moondok andeka moḻia-ḻiaw in gina popisí in habar mita inta dinongog monimu. Pomuḷoi in taong moiwaya in habar inta tongoposi--habar soaḷ aid mokotor kon bonu in butá bo soaḷ datu mita inta mosiparangan.

YEREMIA 25:17

Dá inabatanku in galas in anggur tatua nongkon ḻima i Tuhan, bo minayá kon bayongan in bangusa inta pinopotabáan i Tuhan kon inakó, bo pinoki inumanku in mosia in anggur tatua.

YESAYA 21:12

Tubagku, “Doḷo-doḷom in moiangoibí táe doḷombí doman. Aka moibog moḻibó, yo angoidon bui bo poḻibó.”

KINOBAḺIAN 25:30

Sia in noguman kon i Yakub, “Akuoi in gogoyon totok. Ogoiaipa in berenebon topiḻik tatua.” (Tuamai sia sinangoian Edom.)

KINOBAḺIAN 36:8

Dá ki Esau inta dinonoi doman ki Edom, nogutundon notantú kon buḷud in Seir.

KINOBAḺIAN 36:9

Naa in buí i Esau, mogoguyang intau in Edom.

YEHEZKIEL 35:1

Ki Tuhan in noguman kon inakó,