NEHEMIA 9:4 - Alkitab Singog In Mongondow Masa In Tanaa

⁴ Kon tua oyúon in mimbar sinadia kon intau mita in Lewi bo sinimindog kon tua in ki Yesua, ki Bani, ki Kadmiel, ki Sebanya, ki Buni, ki Serebya, ki Bani bo ki Kenani. Takin singog noropot mosia in nosambayang kon i Tuhan Allah monia.

NEHEMIA 9:4 Referans Kwoze

NEHEMIA 8:7

Nopaḷut mako kon tua nobuat in mosia bo sinimindog kon tampat monia tontaní, bo tongonumai in intau mita in Lewi noginsilang kon Hukum tatua kon i monia. Naa in intau mita in Lewi tatua: ki Yesua, ki Bani, ki Serebya, ki Yamin, ki Akub, ki Sabetai, ki Hodia, ki Maaseya, ki Kelita, ki Azarya, ki Yozabad, ki Hanan bo ki Pelaya.

NEHEMIA 12:8

Intau mita in Lewi: Itoi in mopodondong in sukur: ki Yesua, ki Binui, ki Kadmiel, ki Serebya, ki Yohuda bo ki Matanya.

NEHEMIA 9:5

Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

TAWARIKH 2 20:19

Bo intau mita in Lewi nongkon inanakan i Kehat bo i Korah sinimindog, bo nodayow kon i Tuhan, Allah in Israel.

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

YOHANES 11:43

Nosingog mako natua, ki Yesus in nomaḷú noropot in noguman, “Lazarus, ḷuaidon!”

OMBAḶ 3:8

Akuoi in kinumarak mopoigum in totuḷung, táe ki Allah in doíbí mokidongogmai.

MAZMUR 130:1

Dondong mayá in Baḷoi i Tuhan. Nongkon bonu in irang roriga akuoi in nokuani kon ini-Mu, o Tuhan.

MAZMUR 77:1

Kon i itoi in mododondong. Podudui in: Yedutan. Mazmur i Asap.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

NEHEMIA 3:17

Moiduduimai doman naa in dinding ibanea inta pinosindog in intau in Lewi: Ki Rehum ki adí i Bani Ki Hasabya, inta nongawasa kon tongo botak in Kehila. Dinding inta kon bonu in pomarentaannea tontaní. Ki Binui ki adí i Henadad, inta nongawasa in tongo botak in Kehila Ki Ezer ki adí Yesua, inta nongawasa kon Mizpa: dinding kon sikumai in daḷan kon tayowon in baḷoi in sonjata. Ki Barukh ki adí i Zabai: dinding nongkon siku in daḷan noidapot kon ngara in Baḷoi i Imang Moḷoben ki Elyasib. Ki Meremot ki adí i Uria ki ompu i Hakos: dotá in dinding nongkon ngara in baḷoi i Elyasib noidapot kon popod in baḷoi tatua.

NEHEMIA 8:4

Ki Ezra in sinimindog kon mimbar kayu inta ain pinomia sin pakéon kon poyodungkuḷan tatua. Kon dotá in koḷanannea sinimindog in intau mita tanaa: ki Matica, ki Sema, ki Anaya, ki Uria, ki Hilkia bo ki Maaseya; bo kon dotá in koḷoiginea: ki Pedaya, ki Misael, ki Malkia, ki Hasum, ki Hasbadana, ki Zakharia bo ki Mesulam.