NEHEMIA 9:30 - Alkitab Singog In Mongondow Masa In Tanaa

³⁰ Pomuḷoi in taong mosabar in Iko mobogoi in tompoingat kon i monia; pinongin in nabi, Roho-Mu in moguman kon i monia. Táe umat-Mu tatua in momompon kon bongoḷan, bo pinosarakan-Mu kon bangusa mita inta kon dunia naa.

NEHEMIA 9:30 Referans Kwoze

SURAT I PAULUS KON JAMAAT RUM 2:4

Andeka diá pandungonmai monimu in totabi, kososabar-Nea bo kopopia in gina-Nea in notarima kon i monimu? Tantú kinotaauan bidon monimu kon ki Allah in nopoontong in kopopia in gina-Nea, sin ibogon-Nea moiko in mogogaidon mogaid kon dosa mita.

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

YESAYA 42:24

Ki ine in nokiagow kon Israel? Ki Tuhanbí tontaní! Kita naa in binaradosa kon i-Nia, Kita in diá nobiag podudui in parenta-Nea, bo diá dinumudui kon totundú-Nea.

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.

PETRUS 1 1:11

Mosia in nonaridi mongo naonda bo toonu in kobaḻían intua, inta imakusud in Roho i Kristus tua in onubí inta oyúon kon awak monia. Kon wakutu intua Roho-Nea ain noguman muna kon i monia soaḷ roriga mita inta musti korasaan i Kristus bo soaḷ kamuliaan-Nea inta moiduduimai onda intua mopaḷut.

ZAKHARIA 7:13

Akuoi in doíbí notubag kon sambayang monia, sin mosia doman in doí mokidongog kon tungkuḷ in Akuoi nosingog.

OMBAḶ 2:17

Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

YEREMIA 25:4

Ki Tuhan in umuran doman mopotabá mangoi kon inimu in nabi mita mogogundoi-Nea, táe moiko in doíbí mokidongog bo monaridi kon i monia.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

NEHEMIA 9:29

Sinoboḷow-Mu in mosia sinbá totundú-Mu in duduian, táe diá sinarima monia in hukum-Mu takin dinumodia. Bokaka, aka hukum-Mu aidan, yo notantúbí kon koḷukadan in kobiagan. Mosia motogat in uḷu bo motogat doman in gina, doí mokidongog, bo doí dumudui.

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

OUMAN IN RASUL MITA 28:25

Dá mosia posi-posimaidon minayá nonaḷámai kon tampat tatua takin diábí notantúmai in raian monia. Dá ki Paulus in nosingog kon i monia, “Totuubí in onu inta ain pinoguman in Roho i Allah inta ain pinoyaput i Nabi Yesaya kon mogoguyang monimu!

OUMAN IN RASUL MITA 13:18

Opat nopuḷú notaong pinosabaran-Nea kon oaid mita monia kon padang gurun.

YEREMIA 44:22

Ki Tuhan in diádon mokoigon in mokoontong mako kon i monimu moposumba in kuruban kon ilah mita ibanea. Aidmu tua in moraat bo mokooyá. Moiko in binaradosadon kon i Tuhan bo diá motoindudui kon parenta-Nea mita. Tuamai tanaa doman mako butámu ain norimumud dá diádon motaau pogutunan, bo tangoinea in pinakédon nobaḻí kutukan. Intau inta mokoontong in mokoningkimbí.”

YEREMIA 7:25

Pinangkoi kon mogoguyangmu iḻumuai nongkon Mesir nodapot in singgai naa Akuoi in umuranbí nopotabá mangoi kon mogogundoi-Ku mita, nabi mita, namangoi kon inimu.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

NEHEMIA 9:20

Pinongin kawasa-Mu inta mopia sinundú-Mu in mosia. Mosia in nokaan kon Manna bo nonginum kon tubig inta tugat kon i monia.

PETRUS 2 3:9

Diábí moḷaḷoi in ki Tuhan mogintompod kon onu inta ain pinodandi-Nea, umpakabí oyúon intau in mosingog kon moḷaḷoi in Sia. Táe ki Tuhan in umuranbí mosabar in moindoi mako kon oaid monimu, sin doíbí in Sia aka tobatúpamai intau kon sigad monimu in moputú. Ibogon-Nea, bayongan intau in mogogaidon in mogaid kon dosa.

PINOGIAPAN 11:26

Doyowa in kon sigad in itoi pitu nopuḷú tatua, ki Eldad bo ki Medad, nogutun kon pinononḷoḷaigan bo diá minayá noyotakin in itoi ibanea minayá in Ḷoḷaigan i Tuhan. Kon pinononḷoḷaigan monia tua Roho i Tuhan namangoi doman kon i monia, bo taya dua tua nomangkoi domandon nosingog naonda bo nabi.

MAZMUR 95:10

Opat nopuḷú notaong in koonggotnea mobú in Akuoi kon i monia; guman-Ku: Totuu, bangusa tatua in diá motoḷutui! Mosia in diá nopandungmai kon parenta-Ku mita.

YESAYA 28:10

Umpaka yo sia in motundúbí kon i naton kon bayongan in hurup, tosingogon mita bo onu mita in singogon.”

YESAYA 48:9

Sinagú-Ku in torú-Ku sinbá tangoi-Ku in popotaau. Pinondam-Ku intua kon inimu sinbá iko in diá yopúon.

ZAKHARIA 7:12

Mosia in sinumontogat dá gina monia in nádon onda bo batu. Akuoi in sinumorú totok popisí in mosia doídon dumudui kon totundú mita inta inogoi-Kudon kon i monia pinongin nabi mita dungkuḷmai.

DATU MITA 2 18:11

Onda intua datu in Asyur nodia kon intau mita in Israel nobaḻí intau mita inta sinokodakop kon parang bo pinobayá in Asyur; tongosilai kon i monia tua in pinopoutun kon kotá in Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

DATU MITA 2 21:10

Tuamai in pinongin nabi mita, mogogundoi mita i Tuhan, ki Tuhan in noguman,

TAWARIKH 2 24:19

Ki Tuhan nopotabá in nabi mita sin monoboḷow kon i monia sinbá buidon mogundoi kon i Tuhan, táe rayat in doíbí mokidongog.

EZRA 9:10

Táe tanaa, o Tuhan Allah, naonda in bayongan inta nobaḻí tatua, onu in motaau nami singogon? Kami in buidon nonaḷámai kon parenta-Mu mita,

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

YEREMIA 44:5

Táe moiko in doí mokidongog bo doí monondudut. Moiko in doíbí mogogai in mogaid kon inta moraat, tuata in moposumba in kuruban kon dewa mita.

DANIEL 9:6

Kami in diábí nokidongog kon nabi mita, mogogundoi-Mu mita tatua, inta ain nosingog pinodoyon kon tangoi-Mu kon i datu mita nami, kon itoi mita, kon mogoguyang mita bo kon bayongan in bangusa nami.