NEHEMIA 4:7 - Alkitab Singog In Mongondow Masa In Tanaa

⁷ Naonda in ki Sanbalat, ki Tobia bo intau mita nongkon Amon bo Asdod bo intau mita in Arab nokodongog kon pinonompiaan kon dinding in Yerusalem tatua in totuu motoyong bo bubú mita kon dinding in nomangkoidon pinaḷonan, sinumorúdon totok in mosia.

NEHEMIA 4:7 Referans Kwoze

NEHEMIA 4:1

Naonda in ki Sanbalat nokodongog kon kami intau in Yahudi koyogot in monompia kon dinding in kotá sinumorú totok in sia bo nomangkoidon nokopoonagmai kon inami.

NEHEMIA 2:10

Táe naonda in ki Sanbalat, intau in Bet-Horon, bo ki Tobia, pojabat tobatú nongkon Amon, in nokodongog kon akuoi in namangoi kon kopontingan in bangusa in Israel, nobú totok in mosia.

WAHYU 12:17

Naga tatua totokdon in sinumorú kon bobay tatua, sahingga minayá nogaḷow kon buí in bobay tatua inta ibanea. Mosia inta umuran dinumudui kon parenta i Allah bo inta nobogoi in kosakusian soaḷ ki Yesus bo kawasa-Nea.

OUMAN IN RASUL MITA 5:33

Nokodongogmai kon tua, totok in mosia sinumorú, dá ibogon monia ḻimodonbí in rasul mita tatua.

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

AMOS 1:8

Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

NEHEMIA 2:19

Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

EZRA 5:8

Poigumon mako komangaḻean i Tuang, kon kami in minayádon kon propinsi in Yohuda bo nokoontong kon Baḷoi Tuhan, Allah Inta Moḷoben, in koyogotdon posindogon bui nomaké in batu mita moḷoben bo dindingnea mita inta inaipan in kayu. Oaidan tatua inaidan takin notaridi totok bo minayá notompia.

TAWARIKH 2 20:1

Noiduduimai kon tua tontara in Moab bo Amon, noyotakin in yobayat monia inta tontara in Meunim, nonubu kon Yohuda.

DATU MITA 2 24:2

Ki Tuhan in nopotabá in banselang mita inta nomaké in touḷut in parang nongkon bangusa in Babel, Siria, Moab, bo Amon sin monayow kon i Yoyakin bo moyopú kon Yohuda, podudui kon onu inta ain pinoguman-Nea pinongin in nabi mita mogogundoi-Nea.

SAMUEL 1 11:2

Ki Nahas in notubag, “Takin sarat tanaa akuoi in momia kon dodandian, ‘Mata koḷananmu kon batúannea in turakonku saḷaku singkuḻe kon bayongan in Israel!’ ”

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

AMOS 3:9

Potaaudon in naa kon intau mita inta nogutun kon komaḻig in Mesir bo Asdod, “Poyosipundon kon buḷud mita kon diugmai in Samaria, bo indoiaidon in kotombaukan moḷoben bo pogagowan inta nobaḻí kon tua.”

NEHEMIA 4:6

Kon dodai intua kami in umuranbí doman nonompia kon dinding tatua, bo diá noonggot kon tua bayongan in dinding tatua nodaitdon sinompia bui noidapot in tongobotak in koḷantudnea, sin rayat in nogaid takin ibog moḷoben.

NEHEMIA 4:8

Mosia in noyopakat monubu kon Yerusalem sin mopotombauk.

NEHEMIA 6:16

Naonda in musung mita nami kon sigad in bangusa mita kon diugmai tua nokodongog kon tua, nooyá in mosia sin kinotaauandon monia kon oaidan tatua in inaidanbí pinodoyon kon totuḷung i Allah.

YEREMIA 41:10

Onda intua ki Ismael in nodomok kon adí mita bobay i datu bo bayongan in intau mita inta oyúonpa kon Mizpa inta ain inogoi i Nebuzaradan kon bonu in kawasa i Gedalya. Dinakop i Ismael in mosia bodongka nobuat minayá takin i monia nopobayá ná butá in Amon.