NEHEMIA 2:5 - Alkitab Singog In Mongondow Masa In Tanaa

⁵ bodongka noguman kon i datu, “Aka mokosanang kon gina i Tuang bo moibog mobogoi kon onu inta poigumon in bobantung naa, potabádon in bobantung naa mayá in butá in Yohuda sin moposindog bui in kotá pinoḷobongan kon mogoguyang in bobantung naa.”

NEHEMIA 2:5 Referans Kwoze

EZRA 5:17

Aka ogoi i Tuang, kami in mopoigum sinbá monaridi kon bonu in surat mita in dodatuan in Babel. Dá kotaauandon mongo totuu kon oyúon degá in parenta i Datu Kores moposindog bui in Baḷoi Tuhan kon Yerusalem tanaa. Onda intua kami mopoigum in habar kon soaḷ bontow in singog i Tuang kon soaḷ in pelekara tatua.”

AMSAL 3:4

sinbá iko in koibog bo horomaton i Allah bo in tumpaḷa intau.

ESTER 8:5

“Aka mopiabí in gina i Tuang bo motabi kon bobantung naa, dá ki Tuang in mogaidon bui kon surat parenta sin ponginggamá kon surat mita i Haman inta tombonunea in parenta momutú kon bayongan in intau in Yahudi kon dodatuan tanaa.

ESTER 7:3

Tubag i Ratu Ester, “Aka mosanangbí in gina i Tuang in mobogoi, poigumon in bobantung naa sinbá bobantung bo bangusa in bobantung naa in pomayádon mako in mobiag.

ESTER 5:8

“Aka mosanangbí in gina i Tuang in mobogoi kon onu in poigumonku, yo buipa mamangoi in ki Tuang bo ki Haman kon bobutungan inta aidan in bobantung naa ikoḷom doḷom. Bain kon bobutungan tatua bo pogumanku onu in poigumon in bobantung naa kon i Tuang.”

SAMUEL 2 14:22

Ki Yoab in sinumungkud kon tayowon i Daud, bo noguman, “Igumon mako ki Allah in momarakat kon i Tuang datu! Tanaa in kinotaauandon in bobantung kon ki Tuang in moibogdon kon inakó sin ki Tuang in noibogdon nokidogog kon onu in pinoigum in bobantung naa.”

RUT 2:13

Ki Rut in notubag, “Ki Amá totuudon mopia kon inakó, umpakabí akuoi naa diá notongkai in mogogaid mita i Amá. Kopopia in gina i Amá ain noposanang in ginaku.”

ESTER 1:19

Manangka intua, poigumon nami sinbá ki Tuang in momontowdon kon tosingogon kon ki Bokí Wasti in diá bidon motaau mamangoi kon tayowon i Tuang. Bontow in tosingogon tatua in musti baḻíon undang-undang in Persia bo Media, sinbá diádon motaau bui inggamáan. Mopaḷut mako kon tua ogoidon in ḷoḻitúan i Bokí Wasti tatua kon bobay inta mopia-pia nongkon inia.

MATIUS 23:27

Koboditodon in moiko, ei mototundú mita kon agama in Yahudi bo intau mita in Parisi! Ei intau mita inta mongomunapik! Moiko in naonda bo poḷoḷobongan inta cinet nobudó; kon dotá in ḷuainea ontongan mopira bo modarit, táe kon bonunea nopuḻing in tuḷan bo noyagi-yagimai in kotoran.

NEHEMIA 2:4

Ki datu in noḻibó, “Dá, onu in koibogmu?” Akuoi in nosambayang kon i Allah inta nongawasa kon soroga,

NEHEMIA 2:6

Bo datu inta iḻimitú mako kon diug i buḷoinea, nobogoi kon onu inta pinoigumku tua. Iḻibónea mongo moonggot in akuoi in mogutun kon tua bo toonu in mobui mangoi, dá pinotaauku kon inia in singgai inta ain sinantúku.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.