NEHEMIA 2:3 - Alkitab Singog In Mongondow Masa In Tanaa

³ bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

NEHEMIA 2:3 Referans Kwoze

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

DANIEL 2:4

Mosia in notubag kon bonu in singog in Aram, “Kobiagdon Tuangku modapot in mononoi! Oumandon in togoindop tatua kon inami, dá insilangandon nami in mangaḻenea.”

DATU MITA IMITÁNEA 1:31

Dá sinumungkudon in ki Batsyeba poḷat noguman, “Umurandon mobiag in ki Tuang datu!”

DANIEL 5:10

Nokodongogmai kon karak mita i datu bo in intaunea mita moḷoben, ki iná i datu sinumuot kon yuang bobutungan tatua. Bo sia in noguman, “Mobiagdon in ki Tuangku modapot in mononoi! Pokoonow in gina i Tuangku bo dikabí mobilai.

MAZMUR 137:6

Biódon mako akuoi diádon motaau modondong aka koḻionganku in iko bo diádon in iko kinoibogku!

DANIEL 6:21

Noiyaputmai intua, nokuuk in sia táe takin ḻia-ḻiaw in gina, “Daniel, mogogundoi i Allah inta nobiag! Degá ki Allahmu inta sinumbamu totu-totuu tua in nokoposaḷamatdon kon inimu nongkon singa mita tatua?”

DANIEL 6:6

Bo mosia in noguman, “Kita in tongábí mokouḻí kon taḷá i Daniel kon soaḷ agamanea.”

OMBAḶ 2:9

Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.

TAWARIKH 2 32:33

Ki Hizkia in minatoi, bo iḷobong kon potakodan kon butá inta poḷoḷobongan kon datu mita. Bayongan in rayat in Yohuda bo Yerusalem nohoromat totok kon inia kon tungkuḷ in sia minatoi. Ki Manasye ki adínea ḷoḷaki in nobaḻí datu nomaḷui kon inia.

TAWARIKH 2 28:27

Ki Ahas in minatoi; bo iḷobong kon Yerusalem, táe deemanbí kon poḷoḷobongan in datu mita. Ki Hizkia ki adínea ḷoḷaki in nobaḻí datu nomaḷui kon inia.

TAWARIKH 2 21:20

Diábí tobatúmai in nomanasaḷ in kinopatoiannea. Iḷobong in sia kon Kotá i Daud, táe deemanbí kon bonu in poḷoḷobongan in datu mita. Kon dodai in nobaḻí datu ki Yehoram in umur toḷu nopuḷú bodoyowá notaong, bo nomarenta in sia kon Yerusalem waḷu notaong in koonggotnea.

DANIEL 3:9

Mosia in noguman kon i Datu Nebukadnezar, “Mobiagdon in ki Tuangku modapot in mononoi!

MAZMUR 102:14

Iko in simindogbí bo monotabi kon Sion, nodapotdon in wakutunea monotabi kon inia.

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

DATU MITA 2 25:8

Kon singgai noginpitu buḷan iḻimanea kon bonu in taong impuḷú bosiownea kon pinomarentaan i Nebukadnezar datu in Babel, namangoidon in Yerusalem in intau tobatú inta ki Nebuzaradan in tangoinea. Sia in monononggina bo tongguḷu totokan in tontara i Nebukadnezar.

TAWARIKH 2 36:19

Sia in nogumpag kon dinding in kotá in Yerusalem, bo nonurub kon kotá tatua, takin doman Baḷoi Tuhan bo bayongan in komaḻig takin pakakat mita inta koboḻi inta kon bonupa in komaḻig mita tatua.

NEHEMIA 2:13

Nodoḷompa in dodai intua, kon tungkuḷ in kami nonaḷámai kon kotá nongin Bonawang Ḷopá kon dotá in toyopan. Kami in nopobayá ná toḷatan, minayá ná Bonawang Yoyatan, nongin Bokaká in Naga. Kon binayáan tatua akuoi in nonaridi kon dinding mita in kotá inta nogoguyaat bo inontongku doman in bonawang inta ain nodait kinaan in tuḷú.

YEREMIA 52:12

Kon singgai impuḷúnea buḷan iḻimanea kon taong impuḷú bosiow kon pinomarentaan i Nebukadnezar datu in Babel, namangoidon in Yerusalem intau tobatú inta tangoinea in ki Nebuzaradan. Sia in monononggina bo tongguḷu in moḷoḷukad i Nebukadnezar.

ESTER 8:6

Diábí mopia in ginaku in mokoontong kon bangusa bo ginaḷum motoḷuadíku in modait ḻimodon!”

MAZMUR 38:7

Akuoi in noikuyung bo noibungkut, kinoouput in singgai molamurú mako in akuoi bo morobonoḷ in gina.

MAZMUR 102:15

Sin mogogundoi-Mu in moibog kon inia, umpaka nobaḻídon apug in sia. Mosia angoian in tabi kon inia, umpaka nobaḻídon in sia ḷobud.