NEHEMIA 2:14 - Alkitab Singog In Mongondow Masa In Tanaa

¹⁴ Onda intua nongkon dotá in pomukaan kotá, kami in nopobayá ná utuan, kon Bonawang in Tubig Moitampurang bo Tabang in Datu. Táe kon tua diá in daḷan motaau bayáan in keledai inta sinakoianku tua, sin nobayong totok in rumbunnea.

NEHEMIA 2:14 Referans Kwoze

DATU MITA 2 20:20

Ouman ibanea kon i Datu Hizkia, kon onu mita in pinomianea inta mopia, bo naonda in pinogogaidnea kon tabang bo got in tubig sin mopoangoi in tubig kon kotá, tua komintan in pinaisdon kon bonu in buk Ouman in datu mita in Yohuda.

TAWARIKH 2 32:30

Ki Datu Hizkia tuata inta nodimpot kon bokaká in tubig in Gihon, bo pinobayá pinongin daḷan in tubig kon ḻimonag in butá pinobayá in kotá in Yerusalem. Bayongan inta inaidan i Hizkia noḷapatbí.

DATU MITA 2 18:17

Táe datu in Asyur tatua in nopotabádon mangoi nongkon Lakhis in tontara inta mobarong sin monubu kon Yerusalem. Tontara mita tatua in dinia in toḷu in porwira moḷantud, tobatú in tongguḷu totok in tontara, tobatú in mopoposadia in oinumon, bo tobatú in moḷoḷukad kon i datu. Naonda in noiyaput kon kotá tatua mosia in nogamá kon tampat kon gobá, inta sinangoian Gobá in Penatu kon diug in got inta ḷuaian in tubig nongkon tabang kon ḻimonikan.

NEHEMIA 12:37

Noiyaputmai in Ngara Bonawang in Tubig Noitampurang mosia in nomurow bo nonakod kon tukad in Kotá i Daud, nongin komaḻig i Daud, bo nobui kon dinding kon Bonawang in Tubig kon dotá in pomukaan kon kotá.

MOHOHUTUBA 2:6

Kinaḻiku in tabang mita sinbá oyúon in tubig kon taman mita bo kon gobá mita tatua.