NEHEMIA 2:12 - Alkitab Singog In Mongondow Masa In Tanaa

¹² Kon dodai intua diábí pinotaauku kon i ineka kon ki Allah in nobogoi in raian natua kon inakó sin moposindog bui in kotá in Yerusalem. Nopoikoḷomai doḷom nobangon in akuoi bo nonongganut kon tongonumai in yobayat minayá in ḷuai in kotá. Koḻikud in keledai inta sinakoianku, diábí in kami nodia kon biag totakoian ibanea.

NEHEMIA 2:12 Referans Kwoze

WAHYU 17:17

Sin gina monia sinimbayagandon i Allah sinbá mogaid kon inta kinoibog-Nea. Sinobatúdon i Allah in mosia sinbá moyopakatdon moposarakan in kawasa monia kon mahaḷuk tatua, sinbá mahaḷuk tatua in momarenta modapot in mobaḻí onu inta pinoguman i Allah.

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

AMOS 5:13

Popisí in aidmu tatua, dá intau mita inta mobijaksana mokorasa kon mopia-piabí kon kibio-biómai kon sempo inta moraat ná tatua.

MOHOHUTUBA 3:7

wakutu momerak bo wakutu modagum, wakutu kibio-biómai bo wakutu mosingog.

MAZMUR 122:6

Posambayangdon kon kotompiaan in Yerusalem: “Igumon mako bayongan in intau inta moibog kon inimu in motompia.

MAZMUR 51:18

Iko in doíbí kon kuruban ratáan; aka kuma bo akuoi moposumba in kuruban payongon, yo doíbí Iko intua.

HAKIM MITA 9:32

Tuamai, iko takin intaumu mita in bayádon pogadop kon gobá kon dodai in doḷom.

HAKIM MITA 6:27

Dá ki Gideon nomiḻí kon mopuḷú in bobantungnea bo minayá nogaid kon onu inta pinarenta i Tuhan kon inia. Táe popisí in sia moiḻiu in ondok kon motoḷuadínea bo kon intau mita inta kon ḻipúnea tatua, dá diá in sia mokobaḻí mogaid kon tua kon dodai in singgai. Dá inaidannea intua kon dodai in doḷom.

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

MATIUS 2:14

Doḷompa doman tua ki Yusup nobangon bo nodia kon Adí tatua takin ki iná-Nea bodongka noḷagui minayá in Mesir.

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

YOSUA 10:9

Tonggobii tua ki Yosua takin tontaranea mita nobuat nongkon Gilgal nopobayá in Gibeon, bo baḷú nonubu kon intau mita in Amori.

NEHEMIA 2:11

Noiyaput in Yerusalem in akuoi, bo nogogaipa toḷu nosinggai.

NEHEMIA 2:13

Nodoḷompa in dodai intua, kon tungkuḷ in kami nonaḷámai kon kotá nongin Bonawang Ḷopá kon dotá in toyopan. Kami in nopobayá ná toḷatan, minayá ná Bonawang Yoyatan, nongin Bokaká in Naga. Kon binayáan tatua akuoi in nonaridi kon dinding mita in kotá inta nogoguyaat bo inontongku doman in bonawang inta ain nodait kinaan in tuḷú.

AMSAL 12:23

Intau mobijaksana in diábí mongonguman kon sinotaaunea; intau bodok mopotaa-taau mako in kobobodoknea.