NEHEMIA 13:1 - Alkitab Singog In Mongondow Masa In Tanaa

¹ Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

NEHEMIA 13:1 Referans Kwoze

NEHEMIA 9:3

Degá toḷu nojam in koonggotnea, buk i Tuhan, Allah monia, binaca kon i monia bo toḷu doman nojam noiduduimai mosia in nongaku kon dosa mita monia. Nopaḷut mako kon tua sinumungkud in mosia bo nosumba kon i Tuhan, Allah monia.

NEHEMIA 13:23

Kon tungkuḷ intua inontongku doman kon nobayong intau in Yahudi in notonibuḷoidon in bobay mita nongkon bangusa in Asdod, Amon bo Moab.

DATU MITA 2 23:2

Bo minayá in sia takin i monia kon Baḷoi Tuhan, dinuduian in imang mita, nabi mita bo bayongan in rayat, pinomayá inta nobiag bogá andeka inta nobiag nooyúon. Kon tayowon monia komintan, kon diug in pal inta sinantú kon i datu, sinimindog in ki datu bo nobaca kinoropot in bayongan tombonu in buk dodandian inta ain nouḻí kon bonu in Baḷoi Tuhan. Onda intua ki datu nomia kon dodandian takin i Tuhan kon motoindudui kon i-Nia, bo mopobayá intua takin ḻimbatú in gina bo dimukud in bayongan parenta bo hukum-Nea mita. Ki datu in nodandi doman kon dumudui kon sarat dodandian i Tuhan takin umat-Nea mita inta ain pinais kon bonu in buk tatua. Bayongan in rayat sinumakin nodandi kon motoinduduibí kon dodandian tatua.

OUMAN IN RASUL MITA 15:21

Sin hukum i Musa nongkon dungkuḷmaipabí in umuran bidon binaca pomuḷoi in singgai in Sabat kon baḷoi mita pososambayangan, bo nodait pinoyaput kon bayongan kotá kon tua.”

OUMAN IN RASUL MITA 13:15

Naonda in nopaḷutdon binaca in Hukum i Musa bo Buk in Nabi mita, itoi mita in baḷoi pososambayangan tatua nopotabá in intau minayá noḻibó kon i Paulus bo kon yobayatnea mita. Nanaa in ḷoḻibó monia tua, “Utat mita, aka oyúonbí in koyow inta mokorigon kon pirisaya bo mokohibur kon bayongan umat i Allah tanaa mita, yo pogumandon.”

LUKAS 10:26

Ki Yesus in bui noḻibó kon inia, “Onu in pinais kon hukum i Musa? Podudui in raianmu, naonda intua?”

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

YEREMIA 48:1

Naa inta pinoguman i Tuhan Inta Totok in mokawasa, Allah in Israel soaḷ Moab, “Moboditodon intau in kotá in Nebo, kotánea in noumpagdon! Kiryataim inagow, bo dindingnea inta morigon in irimumud, dá intau inta nogutun kon tua nooyádon;

YESAYA 34:16

Tayakdon bo bacadon kon bonu in Buk i Tuhan: Diábí tobatúmai in nongkon bayongan in biag tatua in mobuḻi andeka diá kogapang. Sin natuata in parenta i Tuhan, bo Sia tontaní inta ain nosipun kon i monia.

NEHEMIA 4:3

Bo ki Tobia inta sinimindog kon diugneamai in noguman doman, “Indoiai in dinding inta pinosindog monia! Tongákabí ungkú in kayuon yo mokoumpagbí kon tua!”

NEHEMIA 2:19

Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

NEHEMIA 2:10

Táe naonda in ki Sanbalat, intau in Bet-Horon, bo ki Tobia, pojabat tobatú nongkon Amon, in nokodongog kon akuoi in namangoi kon kopontingan in bangusa in Israel, nobú totok in mosia.

PINOGIAPAN 22:5

nopotabá kon totabánea mogoiní kon i Bileam, adí i Beor, inta nogutun kon kotá in Petor kon diug in Ongkag in Eprat kon butá in Amau. Mosia pinotabá mopotaau kon i Bileam in koyow tanaa nongkon i Balak, “Pokotaaudon, oyúon in bangusa tobatú inta namangoi nongkon Mesir; intaunea mita noibaya-bayádon mako bo nosadiadon monubu kon butá nami.

NEHEMIA 8:2

Bo dinia i Ezra in buk tatua kon tayowon in bayongan intau inta sinimindog, ḷoḷaki, bobay bo adí mita inta momangaḻedon.