NEHEMIA 12:31 - Alkitab Singog In Mongondow Masa In Tanaa

³¹ Bo pinotabákudon in itoi mita in Yohuda moponik kon dinding sin monompia kon doyowa nopaanan inta moḷoben mopipid moḻibu kon kotá sindaḷan mopodondong in dodayow sukur kon i Allah. Paanan inta muna in mopipid kon tudu in dinding, mopobayá ná koḷanan, kon Bonawang Yoyatan.

NEHEMIA 12:31 Referans Kwoze

NEHEMIA 2:13

Nodoḷompa in dodai intua, kon tungkuḷ in kami nonaḷámai kon kotá nongin Bonawang Ḷopá kon dotá in toyopan. Kami in nopobayá ná toḷatan, minayá ná Bonawang Yoyatan, nongin Bokaká in Naga. Kon binayáan tatua akuoi in nonaridi kon dinding mita in kotá inta nogoguyaat bo inontongku doman in bonawang inta ain nodait kinaan in tuḷú.

NEHEMIA 12:38

Paanan mododondong inta tobatú in mopipid kon tudu in dinding mopobayá ná koḷoigi bo dinuduianku noyotakin in tongosilai in rayat. Kami in nopipid nongin ḷangkeang Pononontuḷúan noidapot in Dinding Mooḷad.

NEHEMIA 12:40

Dá noiyaputdon in doyowa nopaanan mododondong tatua kon diug in Baḷoi Tuhan. Koḻikud in itoi mita kon bonu in paananku,

TAWARIKH 2 5:2

Nopaḷut mako kon tua ki Datu Salomo nopotabá in bayongan itoi in suku bo inanakan nongkon bangusa in Israel noyosipun kon Yerusalem sin momamping kon Poti Dodandian i Tuhan nongkon Sion, kotá i Daud kon Baḷoi Tuhan.

TAWARIKH 1 28:1

Ki Datu Daud in nomarenta sinbá bayongan in itoi in Israel moyosipun kon Yerusalem. Dá bayongan tongguḷu in suku, pojabat mita inta nokadai kon pomarentaan, tongguḷu mita in inanakan, moḷoḷukad mita kon bayongan kapunyaan bo bobiagon i datu bo ki adínea mita ḷoḷaki – impoḷok mako in tosingogon intau mita moḷoben kon komaḻig, porwira mita bo intau moponting, komintan noyosipun kon Yerusalem.

TAWARIKH 1 13:1

Ki Datu Daud in noyosingog takin bayongan porwiranea inta nobaḻí itoi kon pinonobatúan in 1.000 in intau bo pinonobatúan in 100 in intau.

NEHEMIA 12:32

Ki Hosaya in minayá kon tumi in mododondong, sinakinan in tongosilai in itoi mita intau in Yohuda.