NEHEMIA 10:39 - Alkitab Singog In Mongondow Masa In Tanaa

³⁹ Rayat in Israel bo intau mita in Lewi in mustibí modia kon sumbangan inta motantú ná gandum, anggur bo ḷana in zaitun kon gopot mita inta pinotagúan kon kokaanon mita inta nobaḻí pototagúan mita kon pakakat mita in Baḷoi Tuhan. Kon tua doman in pogogutunan in imang mita inta koyogot in mopobayá in oaidan monia, moḷoḷukad mita kon ngara in Baḷoi Tuhan bo mododondong mita. Kami in diábí ḷumaḷoi in monompia kon Baḷoi Tuhan nami.

NEHEMIA 10:39 Referans Kwoze

IBRANI 10:25

Kita in musti umuran moyosipun moyotakin bo umuran mosambayang. Donaai mokopomaḷat ná intau ibanea. Mustibí doman umuran in kita mositongginaan, sin kinotaauan bidon naton kon diá bidon moonggot bo mamangoi bui in ki Tuhan.

TAWARIKH 2 31:12

bo motagú kon bayongan in oogoi bo mopuḷú noporosen tatua kon bonu in ontag mita tatua. Intau in Lewi tobatú inta ki Konanya in tangoinea, sinantúdon nobaḻí moḷoḷukad bo ki Simei ki ai-ainea in binaḻí mobobantungnea.

MAZMUR 122:9

Podoyon kon Baḷoi Tuhan, Allah naton, akuoi in mosambayang sinbá mosanang in iko.

ULANGAN 12:17

Kon tampat pogogutunanmu diábí motaau in moiko mokaan kon sosumba mopuḷú noporosen nongkon gandummu, anggurmu, ḷana zaitunmu, sapi ande bembé dombamu inta muna pinogadí, kuruban poguboḻi kon dandimu, kuruban ibogmu tontaní ande sosumba ibanea.

PINOGIAPAN 18:30

Naonda in motarima mako kon tonsilai tatua, moiko motaaudon mogamá kon kiagatnea, ná doman intau monononggobá mogamá kon onu inta kiagat in pinosumbanea.

DATU MITA 2 7:10

Tuamai in nobuidon in mosia kon Samaria bo nomaḷú kon moḷoḷukad kon bonawang in kotá, “Minayádon in kami kon pinononḷoḷaigan in intau in Siria, bo noniata magí diá bidon in intau in kon tua. Kabaḷo bo keledai monia kinobayáanmai nami in noitogotpabí mako kon pototogotannea, bo ḷoḷaigan mita in tongádon sinaḷáan mako natua.”

PINOGIAPAN 18:26

mopotaau in parenta tanaa kon intau in Lewi: Aka moiko motarima nongkon intau in Israel kon mopuḷú noporsen inta inogoi i Tuhan kon inimu mobaḻí silaimu, yo moiko in musti mobogoi in mopuḷú doman noporsen kon i Tuhan inta mobaḻí sosumbamu inta sinondímu.

TAWARIKH 2 31:11

Pinodudui kon parenta i datu, mosia in nogaid kon ontag mita kon diugmai in Baḷoi Tuhan,

NEHEMIA 12:47

Kon tungkuḷ i Zerubabel bo kon tungkuḷ doman i Nehemia, bayongan in rayat Israel in nobogoi in sosumba sin pobantung pakéon muḷoi in singgai in mododondong mita bo moḷoḷukad mita kon ngara in Baḷoi Tuhan. Rayat in mobogoi in sosumba inta sinantú kon intau mita in Lewi bo intau mita in Lewi in mobogoi doman kon imang mita in tonsilai inta ain sinantú.