NEHEMIA 10:29 - Alkitab Singog In Mongondow Masa In Tanaa

²⁹ Kami komintan in dinumugangdon takin itoi mita nami bo nongibot kon mobiag podudui in hukum i Allah inta ain inogoi-Nea pinongin i Musa mogogundoi-Nea. Igumon mako ki Allah mongutuk kon inami aka diá intompodan nami in dodandian nami tanaa. Kami in mongibot kon dumuduibí kon bayongan in parenta, hukum bo atorang i Tuhan, Allah nami.

NEHEMIA 10:29 Referans Kwoze

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

MAZMUR 119:106

Inta dinandiku pinodoyon kon ibot in intompodankubí, kon kumadai kon atorang-Mu inta moadil.

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

OUMAN IN RASUL MITA 23:21

Tongá donaaibí duduian i Tuang onu in poigumon monia tua. Sin oyúonbí in noiḻiumai kon opat nopuḷú in intau nongkon imonia tua in nogadop kon daḷan sin monomayá moḷabot kon i Paulus kon yuak in daḷan. Intau mita tatua ain nongibot poḷat nongutuk kon mosia in diápabí mopongaa-ngaan bo moponginu-nginum aka diápa koḻimodan monia in ki Paulus. Tanaa in mosia aindon nobasadia, dongka bidon mogoḷat kon singog i Tuang.”

OUMAN IN RASUL MITA 17:34

Táe oyúon kon sigad monia tua in dinumudui kon i Paulus bo nopirisaya kon i Yesus. Mosia tua in ki Dionisius tobatú anggota in majelis Areopagus, bo ki Damaris, tobatú bobay kon tua takin tongonumai doman intau ibanea.

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

YOHANES 7:19

Degá diábí kinotaauan monimu kon ki Musa in nobogoidon in parenta mita i Allah kon i monimu? Táe diá in tobatúmai in kon sigad monimu in dinumudui kon parenta mita tatua. Nongonu sin moiko in moibogbí moḻimod kon i-Nakó?”

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

MALEAKHI 4:4

Toropdon in topotundú mita i Musa mogogundoi-Ku, torop in hukum bo parenta mita inta inogoi-Ku kon inia kon Buḷud in Sinai sinbá duduian in bayongan in umat in Israel.

YEREMIA 26:4

Ki Tuhan in nopotabá kon inakó moguman nanaa kon i monia, “Akuoi, ki Tuhan, ain nomarenta sinbá moiko in motoindudui kon i-Nakó bo mopobayá in hukum mita inta inogoi-Ku kon inimu.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

MAZMUR 105:45

sinbá umat-Nea tatua in motoindudui kon hukum-Nea mita bo dumudui kon parenta-Nea mita. Dayowdon in ki Tuhan!

MAZMUR 8:9

ḷagapan mita bo toyá mita, bayongan in mahaḷuk kon bonu in dagat.

MAZMUR 8:1

Kon itoi in mododondong. Podudui in dondong Gitit. Mazmur i Daud.

NEHEMIA 13:25

Sinoboḷowku bo inodi-odianku in mosia. Oyúon in binongkugku bo oyúon in irabutku in buok monia. Onda intua pinoki pongibotanku in mosia pinodoyon kon tangoi i Allah kon mosia takin ki adí mita monia in diá bidon motonibuḷoi takin bobay ibanea.

TAWARIKH 2 6:16

Iko in nodandi domandon kon i amáku kon aka buínea in totu-totuu motoindudui kon hukum-Mu ná sia, dá mononoibí in intau tobatú nongkon buínea in momarenta mobaḻí datu in Israel. Tanaa, o Tuhan Allah in Israel, intompodaidon doman in bayongan inta ain pinodandi-Mu kon i amáku ki Daud, mogogundoi-Mu tua.

ULANGAN 33:4

Hukum inta inogoi i Musa in duduian naton, kapunyaan inta totok in koboḻi kon bangusa tanaa.

ULANGAN 5:32

Utat mita, duduiai pokosatia in bayongan inta pinarenta i Tuhan Allahmu kon inimu. Dika ḻimimpat kon tobatúmai nongkon parenta mita tatua.

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

PINOGIAPAN 5:21

poigumon mako baḻíon i Tuhan in tangoimu mobaḻí ibot butung kon sigad in bangusamu. Poigumon mako baḻíon-Nea in paamu imintok bo sianmu in ḷumoben.

NEHEMIA 9:38

Pinodoyon kon bayongan inta nobaḻí tatua, kami rayat in Israel nomia kon dodandian inta moroton bo pinais, bo cinapan in itoi mita, intau mita in Lewi bo imang nami tobatú.

YEREMIA 34:15

Tongonumai nosinggai inta ain noitaḻib moiko in nomaḷui kon dodiamu bo nogaid kon inta mokosanang kon gina-Ku. Moiko komintan in noibogbí kon mopoḷuat in ata mita tongobangusamu, bo nomia kon dodandian takin-Ku kon bonu in Baḷoi-Ku.

IMAMAT 20:26

Moiko pinotondí-Ku nongkon bangusa mita ibanea sinbá mobaḻí kapunyaan-Ku. Moiko in musti motusi sin Akuoi in ki Tuhan, bo Akuoi in motusi.

TAWARIKH 1 9:2

Nongkon sigad monia inta muna-munamai nobui kon butá monia kon kotá mita in intau biasa, imang mita, intau in Lewi bo inta mogogaid mita kon Baḷoi Tuhan.

NEHEMIA 7:46

Naa in tangoi mita in inanakan motoḷuadí in intau mita inta mopobayámai in oaidan kon bonu in Baḷoi Tuhan inta nobui nongkon pinoḷumbúan: Ki Ziha, ki Hasupa, ki Tabaot, Ki Keros, ki Sia, ki Padon, Ki Lebana, ki Hagaba, ki Salmai, Ki Hanan, ki Gidel, ki Gahar, Ki Reaya, ki Rezin, ki Nekoda, Ki Gazam, ki Uza, ki Paseah, Ki Besai, ki Meunim, ki Nepusim, Ki Bakbuk, ki Hakupa, ki Harhur, Ki Bazlit, ki Mehida, ki Harsa, Ki Barkos, ki Sisera, ki Temah, Ki Neziah bo ki Hatipa.

NEHEMIA 8:2

Bo dinia i Ezra in buk tatua kon tayowon in bayongan intau inta sinimindog, ḷoḷaki, bobay bo adí mita inta momangaḻedon.

NEHEMIA 8:3

Onda intua, nongkon doḷo-doḷom noidapot in noutu in singgai, ki Ezra in nobaca kon Hukum tatua kon i monia. Mosia komintan in nokidongog poḷat nopoḻimbonu kon gina.