NEHEMIA 1:1 - Alkitab Singog In Mongondow Masa In Tanaa

¹ Naa in lapuran i Nehemia ki adí i Hakhalya soaḷ inta inaidannea mita. Kon buḷan Kislew kon taong indoyowa nopuḷú kon pinomarentaan i Artahsasta saḷaku datu in Persia, akuoi, ki Nehemia, in kon Susan, ibukotá in dodatuan.

NEHEMIA 1:1 Referans Kwoze

ZAKHARIA 7:1

Kon singgai inggopatnea kon buḷan Kislew, inta buḷan noginsiow, kon taong inggopatnea kon pinomarentaan i Datu Darius, ki Tuhan nobogoi in koyow bui kon inakó.

NEHEMIA 10:1

Intau inta dungkuḷ totok notekeng in ki Gubernur Nehemia ki adí i Hakhalya. Noiduduimai in ki Zedekia. Nopaḷut mako kon tua intau mita inta noiduduimai naa in notekeng doman:

DANIEL 8:2

Kon bonu in oontongon tatua inontongku in awakku in kon propinsi Elam, kon Susan, ibukotá in Persia. Akuoi in sinimindog mako kon diug in Ongkag in Ulai,

ESTER 3:15

Intau mita inta pinotabá iḻimikat in minayá nogatod kon surat mita tatua kon bayongan in propinsi dodatuan. Podudui kon onu inta pinoguman i datu dá parenta tatua in pinotaau doman kon Susan, ibukotá in Persia. Nopaḷut mako kon tua ki datu bo ki Haman in iḻimitú mako bo monginumai kon anggur, táe kotá in Susan in nodoḻiok popisí in habar tatua.

NEHEMIA 2:1

Kon singgai tobatú, opat nobuḷan noiduduimai, inta kon buḷan Nisan, kon dodai in ki Datu Artahsasta koyogot in mongaan, akuoi in nobogoi in anggur kon inia takin molamurú mako. Diápabí kon dodai in onda natua in akuoi kon tayowonnea ná singgai tua.

EZRA 10:9

Naonda in toḷudon nosinggai, kon singgai in doyowa nopuḷú buḷan in siownea, bayongan intau ḷoḷaki inta nogutun kon butá in Yohuda bo Benyamin in namangoi in Yerusalem bo noyosipun kon bosí in Baḷoi Tuhan. Kon dodai intua nonguyan norogot totok. Bayongan in intau nongourotdon popisí in motumping totok bo popisí doman in moponting totok in pinoyodungkuḷan tatua.

NEHEMIA 5:14

Akuoi in nobaḻídon gubernur in Yohuda mopuḷú bodoyowá notaong in koonggotnea, pinangkoi nongkon taong indoyowa nopuḷú noidapot in taong intoḷu nopuḷú bodoyowá kon pinomarentaan i Datu Artahsasta. Kon dodai intua akuoi bo ki utatku mita in diábí kon dodai in onda in nogamá kon doit tondan in ḷopíku saḷaku gubernur.