NAHUM 3:17 - Alkitab Singog In Mongondow Masa In Tanaa

¹⁷ Intau mita moḷoben bo pojabatmu in naonda bo paanan in pangkoḷá inta nogadop kon dinding mita kon dodai in notumping. Táe naonda in nomukádon in mata in singgai, mosia in baḷúdon iḷumayug bo minayá; diábí tobatúmai in intau in nonotaau mongo kon onda in binayáan monia.

NAHUM 3:17 Referans Kwoze

WAHYU 9:7

Batangan in pangkoḷá mita tatua in naonda bo kabaḷo inta nobasadiadon moparang. Kon uḷu monia tua oyúon in naonda bo mahkota buḷawan, pogot monia in naonda bo pogot in intau.

YEREMIA 51:27

“Ei datu nongkon utuan! Ogoiaidon in tomponuot monubu! Irup in torompet sinbá bangusa mita in mokodongog! Potabá in bangusa mita moparang monayow kon Babel! Potabá in dodatuan Ararat, Mini bo Askenas monubu. Duí in panglima tobatú sin mobaḻí itoi kon ponubuan tatua. Oinídon in kabaḷo ná kobayong in paanan in pangkoḷá.

YEHEZKIEL 31:12

Tontara ango-angoi inta diá nonotaau in ampung in momupuḷbí kon inia bo pomayádon mako. Tanganea inta noputoḷdon in moḷabúdon kon bayongan in buḷud bo ḷopá kon butá tatua. Bayongan in bangusa inta nogutun kon siungonnea in mayábí monaḷámai kon inia.

NAHUM 2:9

Agowdon in bayongan in buḷawan bo saḷakanea! Kapunyaan kon kotá tanaa totuu mobarong!