NAHUM 1:14 - Alkitab Singog In Mongondow Masa In Tanaa

¹⁴ Naa in bontow in singog i Tuhan soaḷ bangusa in Asyur, “Mosia in kodaitandon in buí mongingguput kon bangusanea. Patong mita berhala inta kon bonu in kuil in dewanea, rimumudon-Kubí. Poḷoḷobongan kon bangusa in Asyur koyogot-Kudon sadiaan, sin mosia in diábí patus in mobiag!”

NAHUM 1:14 Referans Kwoze

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

MIKHA 5:13

Tugu mita i Dewi Asyera kon butámu in umpagon-Ku, bo kotámu mita inta oyúon in poḷoḷukadan in rimumudon-Ku.

AMSAL 10:7

Monanob kon intau mopia in mobaḻíbí barakat, táe intau moraat in baḷúdon koḻiongan.

DATU MITA 2 19:37

Kon singgai tobatú, kon tungkuḷ in sia koyogot in moibada kon bonu in kuil in Dewa Nisrokh, iḻimod in sia in kedang i Adramelekh bo i Sarezer, ki adínea mita ḷoḷaki. Nopaḷut mako kon tua noḷagui in mosia kon butá in Ararat. Dá ki Esarhadon, ki adínea ḷoḷaki inta ibanea, in nobaḻí datu nomaḷui kon inia.

DANIEL 11:21

Malaekat tatua in noguman bui, “Datu moiduduimai inta nomarenta kon butá in utuan in intaubí biasanea inta deeman bui in datu. Táe sia in mamangoibí kon wakutu inta diá binutu-butungmai bo mogagow kon ḷoḻitúan in datu pinongin akaḷnea.

YEREMIA 50:2

“Posindogdon in tomponuot bo potaaudon kon bangusa mita kon Babel in ain noḷabú! Dika bunion in tua! Ki Merodakh dewanea in ain irimumud, bo patongnea mita inta mokotor in nobotak noirarit, takin doman berhalanea mita in totokbí in siningkuḻe.

YESAYA 33:13

Pomayádon mako in bayongan in intau inta nodiug andeka inta noyayú mokodongogdon kon onu inta inaidan-Ku bo akúon monia in kawasa-Ku.”

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

MAZMUR 71:3

Kobaḻídon kon inakó naonda bo buḷud batu pogogutunanku, inta diá moyoyigaku bayáan. Sin sinantú-Mudon kon moposaḷamat kon inakó, Ikobí in pogogadopan bo pononiunganku.

TAWARIKH 2 32:21

Bo ki Tuhan in nopotabá mangoi in malaekat inta noḻimod kon tontara mita bo porwira mita in Asyur tatua. Sidia in oyá totok nobuidon in ki datu Asyur kon butánea. Kon singgai tobatú kon dodai in sia kon bonu in baḷoi in dewanea, tongonumai nongkon i adínea mita in namangoi nonibat in pitow kon inia.

SAMUEL 1 3:13

Aindon pinotaau-Ku kon inia kon motoḷuadínea in umuran hukumon-Ku popisí in ki adínea mita ain nokopoonagmai kon i-Nakó. Kinotaauanbí i Eli in dosa mita monia tua, táe diábí sinorúannea.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

AYUB 18:17

Sia in diá bidon kinotaauan kon bonunea andeka kon ḷuai in kotá; diá bidon in tobatúmai in intau in nokotoropa kon tangoinea.

MIKHA 5:14

Kon bonu in torú-Ku inta sinumagab tuḻían-Ku in aid moraat in bayongan in bangusa inta diá motoindudui kon i-Nakó.”

HABAKUK 2:10

Táe tomayámu tatua in tongábí mokopooyámai kon motoḷuadímu. Takin mogagow kon mobayong in bangusa, iko in moporugibímai kon inimu tontaní.

DANIEL 5:27

sinimbang, ki Tuangku in sinimbangdon bo nouḻí magí diá mokoorop;