MOHOHUTUBA 9:5 - Alkitab Singog In Mongondow Masa In Tanaa

⁵ Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

MOHOHUTUBA 9:5 Referans Kwoze

YESAYA 26:14

Mosia tua in minatoi bidon bo diábí mobiag bui, dimukudnea in diábí mobiag bui. Sin mosia in nodaitdon iyopú-Mu bo pinopatan-Mudon kon bonu in gina.

MOHOHUTUBA 1:11

Intau in diá bidon mokotorop kon onu inta nobaḻí koḻipod. Natuabí doman inta nobaḻí tanaaya bo kon singgai moiduduimai, diá bidon toro-toropon in intau moiduduimai.

MAZMUR 6:5

Pobuidon mangoi, Tuhan, bo posaḷamatdon in akuoi, posaḷamatdon in akuoi popisí in tabi-Mu.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.

AYUB 14:21

Ki adínea mita in nobaḻí intau moḷoben, táe diá kinotaauannea intua. Bo aka mosia mobaḻí mohina, diábí in mopotaau kon inia.

MOHOHUTUBA 2:16

Intau inta bodok ḷagidon koḻiongan, táe intau inta mopandoi in diá domandon toro-toropon. Koonggot-koonggot kita komintan in modaitdon koḻiongan. Kita komintan in mustibí matoi, pinomayá intau inta moarip andeka intau inta dondunguḷ.

MAZMUR 109:15

Biódon mako in dosa monia umuran kotoropan i Tuhan, bo diábí in monanob kon i monia kon butá.

MOHOHUTUBA 8:10

Nokoimontan inontongku in intau moraat minatoi bo iḷobong. Táe kon dodai in intau mita nobui nongkon pinoḷobongan kon inia, mosia in nodayow kon inia kon kotá inta pinogaidannea kon inta moraat. Dá, tua in diábí doman in mangaḻenea.

YESAYA 63:16

Iko nion in ki Amá nami? Ki Abraham bo ki Yakub in diábí nonotaau kon inami. Táe Iko o Tuhan, in ki Amábí nami, Mopoposaḷamat nami nongkon dungkuḷpabímai.

MOHOHUTUBA 7:2

Maníka bo mayá in pinatoian bo dika in mayá in rame. Sin kita in mustibí tantú monanob kon popatoi in mogoḷatbí mako kon batúan in intau.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

MOHOHUTUBA 9:4

Táe kon bonu in dimukud naa noitogotpa kon awak, yo umuranpabí doman oyúon in andoḷan. Ungkúbí inta nobiagpa in mopia-pia nongkon singa inta ain minatoi?

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

MAZMUR 88:13

Oyúon degá in nonotaau kon inta mokoherang inaidan-Mu kon bonu in sindip, andeka kopopia-Mu kon butá inta intau mita iḻiong?

LUKAS 20:32

Pangabisannea bobay tatua in minatoi doman.