MOHOHUTUBA 9:16 - Alkitab Singog In Mongondow Masa In Tanaa

¹⁶ Dá, totuubí in kain singogku kon hikmat naa in noiḻiubí kon ropot. Umpaka natua, hikmat in intau nobiag nobogá diá inindoianmai. Tosingogonnea diá in inindongogan.

MOHOHUTUBA 9:16 Referans Kwoze

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.

AMSAL 24:5

Intau mobijaksana in mokobangka-bangkaḷ nongkon intau inta moropot; sinotaau in moponti-ponting nongkon ropot.

AMSAL 21:22

Intau inta mopandoi mokotongodbí in mogagow kon kotá inta iḷukadan in tontara inta mongotorindog; sia in mogumpagbí kon poḷoḷukadan mita inta pongata monia.

MOHOHUTUBA 9:18

Hikmat in mobara-baraguna nongkon ḷoḷutam, táe aid moraat topiḻik mokogoguyaat kon aid mopia mobayong.

AMSAL 10:15

Kaoyúonan moḷukad kon inia inta nooyúon, malarat morimumud kon inta nobogá.

AMSAL 8:14

Akuoibí inta nopogonú in raian. Bo akuoi doman in nomaḻí kon inia. Akuoi in mopandoi bo moropot doman.

MOHOHUTUBA 7:12

notongkai doman in doit inta mobogoi in porasaan moaman. Apa doman totaau soaḷ hikmat! Ki ine in oyúon intua yo mosaḷamat.

MOHOHUTUBA 10:10

Aka pitowmu mobangkungdon bo diá dilúonmu, yo musti in iko mogaid takin rumoriga totok. Paké in akaḷmu inta mosehat, bo muna pogaid kon tomayá.