MOHOHUTUBA 9:15 - Alkitab Singog In Mongondow Masa In Tanaa

¹⁵ Kon kotá tatua oyúon in intau nobiag nobogá inta mobijaksana. Sia in nokoposaḷamatbí kon kotá tatua. Táe popisí in sia nobiag nobogá, onu in pinomianea tatua baḷúdon kinoḻiongan bo diá tobatúmai in intau nokotorop kon inia

MOHOHUTUBA 9:15 Referans Kwoze

MOHOHUTUBA 4:13

Intau nomasiking motaaubí in mobaḻí datu, bo intau inta pinonjara motaaubí momamping kon ḷoḻitúan in datu. Táe aka kon kogoguyangandon yo datu tatua in mobodokdon in motarima kon tonggina, dá siadon morori-roriga kon tayow mobiag inta nobogá táe mopandoi.

KINOBAḺIAN 40:23

Táe mopoposadia kon oinumon i datu tatua in diá bidon kinotoropannea in ki Yusup. Totok bidon in kinoḻiongannea in ki Yusup.

SAMUEL 2 20:22

Bo minayádon in sia takin mokaḻet nopotaau in makusudnea kon intau inta nogutun kon kotá tatua. Nopaḷut mako kon tua uḷu i Seba pinongkó bo pinogambat kon i Yoab. Onda intua nogirup in ki Yoab kon torompet bo intaunea mita in nonaḷámaidon kon kotá tatua bo nobuidon kon baḷoinea-baḷoinea. Ki Yoab in nobuidon kon Yerusalem bo minayá kon tayowon i datu.

MOHOHUTUBA 2:16

Intau inta bodok ḷagidon koḻiongan, táe intau inta mopandoi in diá domandon toro-toropon. Koonggot-koonggot kita komintan in modaitdon koḻiongan. Kita komintan in mustibí matoi, pinomayá intau inta moarip andeka intau inta dondunguḷ.

AMSAL 21:22

Intau inta mopandoi mokotongodbí in mogagow kon kotá inta iḷukadan in tontara inta mongotorindog; sia in mogumpagbí kon poḷoḷukadan mita inta pongata monia.

MOHOHUTUBA 8:10

Nokoimontan inontongku in intau moraat minatoi bo iḷobong. Táe kon dodai in intau mita nobui nongkon pinoḷobongan kon inia, mosia in nodayow kon inia kon kotá inta pinogaidannea kon inta moraat. Dá, tua in diábí doman in mangaḻenea.

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.