MOHOHUTUBA 8:1 - Alkitab Singog In Mongondow Masa In Tanaa

¹ Totuu mosanang in intau mobijaksana. Kotaauannea in tubag in bayongan pelekara. Pandoi nokopomomi kon inia sin pia in gina, dá pogotnea in umuranbí motarimbuka.

MOHOHUTUBA 8:1 Referans Kwoze

OUMAN IN RASUL MITA 6:15

Bayongan in intau kon pinosidangan tatua komintan inimindoi kon i Stepanus. Inontongmai monia in pogot i Stepanus nádon pogot in malaekat.

ULANGAN 28:50

Mosia tua in moraat totok bo diá kototabi kon intau mita inta nogoguyangdon ande inta mongoadípa mita.

PETRUS 2 1:20

Naabí in soaḷ inta totok in moponting bo musti kotaauan monimu: Koyow nongkon i Allah inta pinoyaput in nabi mita in diábí motaau raion in mangaḻenea podudui kon ibog monimu.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

OUMAN IN RASUL MITA 4:29

Bo tanaa mako Tuhan, indoiaika in mosia mongancambí kon inami. Poigumon nami kon ini-Mu Tuhan, ogoiaipa in kabaranian in bobantung-Mu mita tanaa in mopoyaput in Pirman-Mu mita.

OUMAN IN RASUL MITA 4:13

Intau mita kon tua inta nosidang kon i Petrus bo kon i Yohanes noherang totok in nokoontong kon kobobarani nayadua, bokaka kinotaauanbí monia kon taya dua tua in intaubí inta diá nosikoḷa. Bain tua bo kinotoropan monia kon taya dua tua in dumoduduibí i Yesus.

AMSAL 17:24

Inta batukon in intau mopandoi in tongábí bá mokouḻí kon hikmat, táe inta batukon in intau bodok in diá motantú.

AYUB 33:23

Degá tobatú kon sigad in toribu in malaekat i Allah inta moponorop kon intau in oaidannea, in mamangoi sin motuḷung kon inia.

EPESUS 6:19

Bo sambayangai doman in akuoi, sinbá wakutu in akuoi mosingog ogoian i Allah in singog mita inta moitutui, bo bá mobarani totok in akuoi mopotaau in onu inta noibunipa kon Habar Mopia tua.

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

DANIEL 2:47

Ki Datu in noguman, “Totuu, Daniel, ki Allahmu tua in moḷobe-ḷobenbí kon bayongan in allah. Sia in nongawasa kon bayongan in datu, bo nopotaau in bayongan inta noibuni. Kinotaauanku intua sin iko in nokomampudon noginsilang kon mangaḻe in inta noibuni tanaa.”

AMSAL 24:5

Intau mobijaksana in mokobangka-bangkaḷ nongkon intau inta moropot; sinotaau in moponti-ponting nongkon ropot.

AMSAL 1:6

Pongin natua dá mosia in monotaaudon kon onu inta noibunipa kon bonu in tonggina bo monotaaudon kon tosingogon mita in intau mobijaksana bo onu mita inta pinoyaput monia.

KINOBAḺIAN 40:8

Tubag monia, “Kogobíi kami in sinumogoindop, bo diá doman kotaauan nami in mangaḻenea.” Guman i Yusup, “Tongábí ki Allah in motaau mobogoi in mangaḻe in togoindop. Oumanka in togoindop monimu tatua.”

SURAT I PAULUS KON JAMAAT RUM 13:5

Tuamai utat, moiko in mustibí mokopotoindudui kon pomarenta, deemanbí tongá popisí in iko doí hukumon, táe popisíbí doman kon ginamu in moguman kon natua.

AMSAL 21:29

Intau motuḻid in moyakinbí kon awaknea; intau moraat in diá kooyá.

IḶUAIAN 34:35

bo inontong monia pogot i Musa nonindar. Dá inoḻingoianneadon bui in pogotnea modapot in sia tumuotdon bui sin moyosingogdon bui i Tuhan.

AMSAL 12:8

Intau dayowon podudui in kobobijaksananea; intau in singkuḻeon podudui in dondunguḷnea.

DANIEL 2:22

Siabí doman inta nobuká kon onu inta noibuni totok. Kinotaauan-Nea in bayongan inta nobaḻí kon bonu in sindip. Sia in binakut in sindar inta mobayag.