MOHOHUTUBA 7:5 - Alkitab Singog In Mongondow Masa In Tanaa

⁵ Maníka bo sinoboḷow in intau inta mopia, bo dika in dinayow in intau bodok.

MOHOHUTUBA 7:5 Referans Kwoze

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.

AMSAL 13:18

Intau inta doí tundúon in mobaḻí mobogá bo tososingkuḻe; intau inta moibog mokidongog kon tonggina in horomatonbí.

AMSAL 27:6

Yobayat in mopomongkug in tabi, táe musung in monggakap takin bisa.

AMSAL 17:10

Toboḷow komintan moiḻiu in mangaḻenea kon intau moibog mokidongog bo mopia-piabí kon ḷubag kogatut kon intau bodok.

AMSAL 13:13

Intau inta diá mopandung kon totundú i Tuhan, mopobodito kon awaknea tontaní; intau inta motoindudui kon hukum i Allah in motarimabí kon tontuḻínea.

AMSAL 9:8

Dika moningkuḻe kon intau inta doí tundúon, sin moyaat in ginanea kon inimu. Táe aka intau inta mobijaksana bo popotaaumu in taḷánea, yo iko in horomatonneabí

MAZMUR 69:12

Akuoi in nopogidaing in karong nobaḻí tomponuot nonogumatoi, táe sinigid monia in akuoi.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

AMSAL 25:12

Toboḷow in intau moarip kon i intau inta moibog mokidongog, in naonda bo sising buḷawan andeka ḷambá madiow.

MOHOHUTUBA 7:4

Intau bodok in tantú momatuk kon kasanangan; intau mopandoi in umuran morai kon popatoi.

MOHOHUTUBA 9:17

Maníka bo mokidongog kon tosingogon moonow nongkon intau inta mopandoi bo dika in baḷú in pongawasa kon sigad in intau mita inta dondunguḷ.

MOHOHUTUBA 12:11

Tosingogon in intau moarip tua in naonda bo tungkud moruit in gombala tobatú, tungkud inta pinakénea poḷukad kon dombanea. Pinosipunan kon amsal bo tonggina, naonda bo pakú inta noikeket noropot. Tua komintan ki Allahbí doman in nobogoi, gombala naton totobatú tua.