MOHOHUTUBA 7:20 - Alkitab Singog In Mongondow Masa In Tanaa

²⁰ Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

MOHOHUTUBA 7:20 Referans Kwoze

SURAT I PAULUS KON JAMAAT RUM 3:23

Intau in komintan bidon binaradosa bo noyayúdon kon i Allah inta moposaḷamat kon i monia.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.

DATU MITA IMITÁNEA 8:46

Aka umat-Mu binaradosadon kon ini-Mu – totuu kon diábí in tobatúmai in intau in diá binaradosa – bo popisí in torú-Mu pinomayá-Mudon mako in mosia sinaḷow in musung, bo dinia nobaḻí intau inta sinokodomok kon parang pinobayá in butá ibanea inta moyayú andeka inta modiug,

AMSAL 20:9

Oyúon degá in intau inta motaau mosingog, “Ginaku in modarit, akuoi in noiḷuatdon kon dosa?”

TAWARIKH 2 6:36

Aka umat-Mu binaradosadon kon ini-Mu – totuubí kon diábí in tobatúmai in intau kon dunia naa in diá binaradosa – bo popisí in torú-Mu binió-Mudon mako in mosia sinaḷow in musung bo dinia nobaḻí intau inta dinakop pinobayá in butá inta moyayú andeka nodiug,

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

MAZMUR 130:3

Aka umuran toropon-Mu in dosa nami, o Tuhan, ki inebí in mokotongod?

AYUB 33:12

Uḻe Ayub, noitaḷá totok in singogmu! Sin ki Allah in moḷobe-ḷoben in intau.

IMAMAT 13:39

dá intau tatua musti taridion i imang. Aka oḷaap tatua koontongan diá totok in mobudó, sia in tongábí kinodakitan in oḷaap, bo sia in poniatadon kon nodaritbí.

SAMUEL 1 20:34

Sinumorú totok in ki Yonatan bo nonaḷámai kon meja pongongaanan bo diá nokaan kon onu bo onu in kon singgai nogindua kon Rame Buḷan Mobagu tatua. Totok in moajar in ginanea moraimai kon i Daud inta ain pinopoompámai i Saul ki amánea tua.

MAZMUR 14:1

Kon i itoi in mododondong. Mazmur i Daud. Intau dondunguḷ in mosingog kon bonu in gina, “Diábí in ki Allah.” Aid monia in moraat bo moḻingá diá in mogaid kon inta mopia.

MAZMUR 14:3

Táe bayongan in intau ain sinumabat bo moraat, diádon tobatúmai in intau in nogaid kon inta mopia.