MOHOHUTUBA 7:13 - Alkitab Singog In Mongondow Masa In Tanaa

¹³ Tondudutka in oaidan i Allah. Ki ine in mokotuḻid kon onu inta binelung i Allah?

MOHOHUTUBA 7:13 Referans Kwoze

MOHOHUTUBA 1:15

Inta nobelung diábí motaau tuḻidon, bo inta diá in diábí motaau iapon.

AYUB 12:14

Onu in kinokai-Nea diábí motaau posindogon bui ki ine in dinakop-Nea diá bidon mokoḷuat bui.

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

YESAYA 14:27

Ki Tuhan Inta Totok in mokawasa ain nonantú kon mogaid kon natua. Sia in nopoyopadon in ḻima-Nea sin mohukum, bo diábí tobatúmai in intau mokoḷamboi kon i-Nia.

MAZMUR 107:43

Igumon mako intau mobijaksana in morai kon bayongan intua bo akúon monia kon ki Tuhan in umuranbí motabi.

SURAT I PAULUS KON JAMAAT RUM 9:19

Utat mita, moiko in mogumanbí nanaa kon inakó, “Aka natua yo nongonu sin ki Allah in moibogpabí mopotaḷá in intau? Ki ine in mokoḷamboi kon ibog i Allah?”

SURAT I PAULUS KON JAMAAT RUM 9:15

Sin ki Allah ain noguman kon i Musa nanaa, “Akuoi in mopoontong in barakat kon intau inta kinoibog-Ku popoontongan in barakat tatua, bo Akuoi in mopoontong in tabi-Ku kon intau inta kinoibog-Ku popoontongan in tabi-Ku tatua.”

YESAYA 43:13

modapot in mononoi Akuoi in umuranbí Allah. Diábí in mokoḷagui nongkon kawasa-Ku, andeka moḷamboi kon tomayá-Ku.”

AYUB 37:14

Kibio-biópamai topiḻik, uḻe Ayub, bo indongogaipa; taridiai in inta mokoherang mita inta pinomia i Allah.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

MAZMUR 8:3

podondong in mongoadí mita bo adí mita mointok. Pomarentaan-Mu in moroton bo diá motundan sin momompon kon bibig in musung bo saturu.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

AYUB 11:10

Aka domokon-Nea bo diaan in iko kon mahkama-Nea, yo ki ine in mokobaḻí moḷamboi kon aid-Nea?

AYUB 9:12

Aka Sia in mogagow, yo ki ine in mokobaḻí mogimaḷow kon i-Nia? andeka mokobaḻí moḻibó kon i-Nia, ‘Ei, onu in aidan-Mu?’

MOHOHUTUBA 8:17

yo diábí kotaauan naton mongo onu in aidan i Allah. Naondaka in poḷongasi naton, diábí in kita mokototaau. Intau moarip in tumangoi kon kinotaauannea, táe sabanarnea in diábí kotaauannea.

LUKAS 12:26

Dá aka moiko bo diá mokosanggup in mogaid kon soaḷ inta mointok totok natua, yo nongonu sin moḻia-ḻiawbí in gina monimu kon soaḷ inta ibanea mako?