MOHOHUTUBA 5:1 - Alkitab Singog In Mongondow Masa In Tanaa

¹ Poraipa muna bo mosingog, bo dika ḻimika-ḻikat in modandi kon i Allah. Sia in kon soroga bo iko in kon butá, dá dika kobaro-barongon in mosingog.

MOHOHUTUBA 5:1 Referans Kwoze

YAKOBUS 1:19

Utat mita inta kinotabiku, tarukira kopira in naa! Pomuḷoi in intau musti ḻimikat in mokidongog, tongá mokopoḷaḷoi in mosingog bo donaai doman baḷú tumorú.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 21:27

Ki Tuhan in doíbí kon sosumba in intau inta moraat, apa doman aka pinosumba pinongin makusud inta mokooyá.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

YOSUA 5:15

Itoi in tontara i Tuhan tatua notubag, “Buká in sapatumu; butá inta sinindoganmu tanaa in butábí motusi.” Dá binukádon i Yosua in sapatunea.

IḶUAIAN 3:5

Bo ki Allah noguman, “Dika mokopodiug. Bukádon aip in sioḷmu, sin iko in sinimindog mako kon butá inta motusi.

IBRANI 10:26

Sin aka habar inta mobanar nongkon i Allah ain pinotaau kon i naton, táe umuranpa doman tumuod in kita in mogaid kon dosa, dá diá bidon in kuruban inta pomopat kon dosa naton.

KORINTUS 1 11:22

Nongonu sin natuabí in aid monimu? Eta degá diá in baḷoi tontaní pongaanan bo ponginuman monimu? Andeka degá tumuodbí in moiko mokopohinamai kon jamaat i Allah bo mokopooyámai kon intau mita bogá? Naondapa degá in mopomangaḻe kon i monimu? Onupa in posingogku kon i monimu? Degá dayowonku in moiko? Aka oaid natua yo diábí duíonku!

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

OUMAN IN RASUL MITA 10:33

Tuamai baḷuku pinotabá in intau mayá mogoiní kon i Tuang. Bo namangoi domandon in ki Tuang takin pia in gina. Bo tanaa kami in noyosipundon kon tayowon i Allah sin mokidongog kon bayongan inta pinoki potaau i Allah kon i Tuang poguman kon inami.”

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

IḶUAIAN 30:18

“Pomiaai kon tampat in tubig ponondaritan tobatú nongkon porunggu bo aipnea in nongkon porunggu doman. Poukat in bak tatua kon sigad in Ḷoḷaigan bo mezbah, bo bonuaidon in tubig.

AYUB 22:12

Ki Allah in nogutun kon ḷangit inta moḷantud totok, bo moḷongow monag kon tundi mita inta moḷantud totok doman!

AMSAL 10:19

Mobarong in singog, mokodugang doman kon dosa; intau inta mokoḷukad kon dilánea in mobijaksana.