MOHOHUTUBA 4:10 - Alkitab Singog In Mongondow Masa In Tanaa

¹⁰ Aka tobatú moḷabú dá ibanea in motuḷung kon inia. Táe aka intau tobatú moḷabú, bokaka tongá sia-sia mita, yo mobodito in sia, sin diá in motaau motuḷung kon inia.

MOHOHUTUBA 4:10 Referans Kwoze

TESALONIKA 1 5:11

Tuamai umuranbí positongginaan bo mosirigonan kon gina ná inta biasamai aidan monimu.

TESALONIKA 1 4:18

Tuamai in pakédon in singog tanaa kon mosirigonan kon gina in tumpaḷa utat.

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.

SAMUEL 1 23:16

Ki Yonatan in minayá nokipodungkuḷ kon inia kon tua sin mogin rigon kon pirisayanea kon sia in ḷukadanbí i Allah.

KINOBAḺIAN 4:8

Bo ki Kain in noguman kon i Habel, ki ai-ainea tua, “Koḻigai kita mayá in gobá.” Naonda in mosia kon tua, ki Kain in nomongkug bo poḷat noḻimod kon i Habel inta ki ai-ainea tontaní tua.

SAMUEL 2 14:6

Bobantung naa in kogadí kon adí ḷoḷaki doyowa, bo kon singgai tobatú taya dua in noropatoi kon apow. Popisí in diá in nopoyoguat, dá tobatú kon sigad nayadua tatua in minatoi kinoḻimodan.

SAMUEL 2 11:27

Onda intua naonda in nopaḷutdon in pinonogumatoian tatua, binayá pinoki gamá i Daud in bobay tatua bo dinia mangoi in komaḻig bo binaḻídon i Daud ki buḷoinea in sia. Tongonumai nobuḷan noiduduimai, nopononggadí in sia in adí ḷoḷaki tobatú. Táe kinodoíbí i Tuhan in aid i Daud tatua.

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

MOHOHUTUBA 4:9

Mopia-piabí kon doyowa dika in tongá bata-batangan. Aka mogaid in mosia, siniḷopíannea in mopia-pia.

MOHOHUTUBA 4:11

Kon doḷom inta motumping, intau doyowa inta nosiug noyodiug monginggamá kon tumping, táe aka tongá tobatú yo naonda in koinggamá in tumping?