MOHOHUTUBA 2:17 - Alkitab Singog In Mongondow Masa In Tanaa

¹⁷ Tuamai in kobiagan diá bidon in mangaḻenea kon inakó, ibanea in diábí. Komintan diá in mangaḻenea; akuoi in noḷongasidon nodomok kon tompot.

MOHOHUTUBA 2:17 Referans Kwoze

MOHOHUTUBA 2:11

Táe noiduduimai kon tua sinaridiku in bayongan inta inaidanku, bo inta bayongan ḷopíku sin moginḷapat kon oaidanku mita tatua, dá kinotaauankudon kon tua mita in diábí in mangaḻenea. Onu in iḷongasiku tua diábí in baragunanea naonda bo moḷongasi modomok kon tompot.

YUNUS 4:8

Naonda in nomukádon in mata in singgai, ki Allah nopoangoi in tompot mopatú inta nogirup nongkon pomukáan. Ki Yunus gogió bo notambuḷoḷok popisí in inonag in singgai inta nádon onda bo momokak kon uḷunea. Noinggamádon in kamangnea bo moibogdon totok matoi. Sia in noguman, “Mopia-piabí kon matoi in akuoi dika in mobiag!”

MOHOHUTUBA 4:2

Mointoi in akuoi in mokotorop kon intau mita inta ain noonggot in minatoi sin mosia in mosana-sanang nongkon intau mita inta nobiagpa.

HABAKUK 1:3

Nongonu sin tongábí pomayá-Mu mako in akuoi in mokoontong kon námai tua in kobayong in aid moraat? Yo umpaka dá mokotahang in Iko in mokoontong kon námai tua in aid diá moitutui? Kon bayongan in tampat oyúon in porimumudan bo aid motontogat, poropatoian bo yogenggengan.

YUNUS 4:3

Tanaa, o Tuhan, pomayádon mako bá matoidon in akuoi, sin mopia-piabí kon matoi in akuoi dika in mobiag.”

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

MOHOHUTUBA 6:9

Tua komintan in diábí in mangaḻenea naonda bo mogaḷow kon tompot. Maníka bo moorop in ibog naton kon onu inta oyúon kon i naton bo dika in tantú moibog sinbá modugang mooyúon.

MOHOHUTUBA 3:16

Oyúonpa doman in inontongku kon dunia naa: kon onda in musti oyúon in koadilan bo kopiaan, yo kon tua doman oyúon in aid moraat.

MOHOHUTUBA 2:22

Kino ouput in kinobiagan intau moḷongasi totok mogaid bo yumoyigamai; bo onubí in siniḷopían tua in motaau pongata-ngata mako?

MOHOHUTUBA 1:14

Akuoi in nokoontongdon kon bayongan aid in intau kon dunia naa. Pirisayabí, bayongan tua diábí in mangaḻenea, naonda bo moḷongasi modomok kon tompot.

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

AYUB 14:13

Bunidon in akuoi kon bonu in dunia in intau minatoi; oḻiungaidon in akuoi modapot in Iko diádon tumorú bui. Táe tantúdon in wakutu kon monorop kon inakó.

DATU MITA IMITÁNEA 19:4

bo minaya-mayá in sioḷ ná padang gurun tosinggai in koonggotnea bo nogogai kon siungon in kayu inta mobambar. Kon tua iḻimitú in sia bo ibogonnea in bá matoidon. “Diádon in akuoi monahang, o Tuhan,” gumannea kon i Tuhan. “Gamádon in nyawaku. Akuoi in diábí mopia-pia nongkon mogoguyangku!”

PINOGIAPAN 11:15

Aka umuran nanaa in pomiaan i Tuhan kon inakó, yo ampungaidon kaasí in akuoi; bo maníka ḷagidon akuoi ḻimod sinbá diádon in akuoi momotaan kon yoyiga ná tanaa.”

MOHOHUTUBA 1:17

Dá niatonkubí totaauon in yoposi in pandoi bo in bodok, kon sigad in kopandoian bo kabodokan. Táe noniata magí akuoi naa in naonda bo nodomok kon tompot.

MOHOHUTUBA 4:3

Táe inta mosana-sanang totok in intaubí mita inta diápa pinononggadí, sin mosia in diápa nokoontong kon inta moraat inta inaidan kon dunia naa.